2 SAMUEL 6:6 - KITTA KAREBA MADECENG

⁶ Wettunna mennang lettu ri onrong addésekeng gandong appunnangenna Nakhon, saping iya gettengngéngngi iyaro padatié tabbuttui, nanaloro'ni Uza limanna nanakkatenningngi iyaro Petti Assijancingngé kuwammengngi aja nasempé.

2 SAMUEL 6:6 ပူးပေါင်းရင်းမြစ်များ

KAJAJIYANG 50:10

Wettunna mennang lettu ri onronna tauwé mappeppé gandong ri Gorén-Haatad, ri seddé alauna Salo Yordan, mpatinni mennang sibawa messé enrengngé sadda macenno. Pakangkani Yusuf upacara mabbarata, pitungngesso ittana.

1 TAWARIKH 13:9

Wettunna mennang lettu ri onrong addésekeng gandong appunnangenna Kidon, iyaro sining saping iya gettengngéngngi iyaro padatié tabbuttui, nanaloro'ni limanna Uza sibawa makkatenningngi Petti Assijancingngéro kuwammengngi aja' namabuwang.

ABBILANGENG 4:15

Makkedai Puwangnge lao ri Musa sibawa Harun, “Wettummu bongkara'i akkémangngé, Harun sibawa ana'-ana'na harusu'i muttama ri laleng Kéma-Ku sibawa tongkoi sininna barangngé sibawa paréwanna iya engkaé kuwaro. Purairo nappa sining tau Kéhat-é wedding polé untu' méssangngi. Iyakiya dé' nawedding mennang naita, maddeppériwi iyaré'ga géssai iyaro barab-barangngé, nasaba purani ripallaing untu' aléku. Rékko to napogau'i mennang, matéi matu. Jaji, kuwammengngi iyaro sining tau Kéhat-é aja' nalennye polé ri suku Léwié, Harun sibawa ana'-ana'na harusu tugaskangngi tungke'-tungke' ri yelle'na mennang aga iya harusu'é mennang natiwi. Iyanaro tugasna tau Kéhat-é wettunna Kéma-Ku ripalétté. Eléazar, ana' Harun tanggung jawakiwi sininna Kéma-Ku, minnya lampué, dupa, akkarobang gandongngé untu' pappatala iya tette'é, minnya upacaraé sibawa sininna iya engkaé ri laleng Kéma-Ku.”