2 SAMUEL 6:5 - KITTA KAREBA MADECENG

⁵ Daud sibawa sininna bangsa Israélié joppa ri yolona Pettiéro naséré-séréto siullé-ulléna sibawa makkélok-kélong untu' pakalebbii Puwangnge. Macculé kacapiwi mennang, gambusu, rabana, kelentingan sibawa simbal.

2 SAMUEL 6:5 ပူးပေါင်းရင်းမြစ်များ

2 ARUNG-NGARUNG 3:15

Tiwii mai makkekkuwangngé séddi pakkacapi!” Wettunna iyaro tauwé makkacapi, rikuwasaini Elisa ri Rohna Puwangnge,

1 TAWARIKH 13:8

na Daud sibawa sininna bangsa Israélié séré-séréni enrengngé makkélong sibawa masumangé, untu' pakalebbii Allataala naccowéri kacapi, rebana, simbal sibawa tarompé.

1 TAWARIKH 15:28

Sininna umma Israélié laowi tinrosiwi Petti Assijancingngé lettu ri Yérusalém sibawa gora-gora marennu, oni tarompé, napiri, simbal sibawa kacapi.

2 TAWARIKH 20:28

Wettunna lettu ri kotaé, mabbarisi'ni mennang lao ri Bolana Puwangnge naccowéri kacapi sibawa tarompé.

MAZMUR 47:5

Napiléngekki tana manata, abangkakenna bangsa iya Namaséiyé.

DANIEL 3:10

Aléna Puwakku pura passu parénta makkedaé ripaoninna muwa paréwa musi'é, sininna tauwé harusu'i suju' sibawa sompai dato'-dato' ulawengngéro,

DANIEL 3:15

Nah, makkekkuwangngé, sadiyakoga untu' suju' sibawa sompai dato'-dato'éro wettunna moni musi'é? Rékko dé' mumaélo, matteruko matu riyaggenrungeng ri laleng api iya malluwa'-luwa'é. Na déwata nigana mulléi passalama'ko matu polé ri akuwasakku?”

DANIEL 3:5

Rékko moniwi tarompé'é, riyaccowéri ri oni sulingngé, kacapié, rebanaé, gambusu'é, serdangngé sibawa paréwa musi' laingngé, harusu'i saudara-saudara suju' sompai dato'-dato' ulaweng iya puraé napatettong Arung Nébukadnézar.

DANIEL 3:7

Naéngkalinganana ripaoni paréwa musi'éro, sining tau polé risininna bangsaé, suku bangsaé sibawa basaé, suju'ni sibawa sompai dato'-dato' ulawengngéro.

AMOS 5:23

Pappésauwi élok-kélommu iya palicco'éro; dé' Umaélo méngkalingai culé-culé kacapimmu.

AMOS 6:5

Masennakko karang élong, pada-pada iya napogau'é Daud, namuwacculéyangngi iyaro élok-kélongngé sibawa kacapi.

1 SAMUEL 10:5

Purairo harusu'ko lao ri bulu-buluna Allataala ri Gibéa, onrong akkémanna tau Filistingngé. Ri sumpang muttama'é ri kotaé, siduppako matu sibawa sirombongang nabi iya nonnoé polé ri bulu-bulu akkarobangengngé. Séré-séréi mennang sibawa gora-gora, maggambusu, marrebana, massuling sibawa makkacapi.

1 SAMUEL 16:16

Rékko nasitujuiwi Datu, sadiyaki sappa séddi tau iya maccaé makkacapi. Narékko risissai Datu ri roh majaé, iyaro tauwé weddingngi nacculéyang kacapinna, namanyameng paimeng matu Datu.”