2 SAMUEL 5:7 - KITTA KAREBA MADECENG

^7-9 Makkedani Daud lao ri ana' buwana, “Engkaga kuwaé tau iya benciyéngngi tau Yébus-é pada-pada ubencinna mennang? Cuku'ga paccéccénna angkanna macinna senna'i mpunoi mennang? Rékko makkuwaitu, uttama'no lalo ri balombong uwai namugasai sining tau képpangngé sibawa butaé iya ucéccéro.” (Iyanaro saba'na nakkeda tauwé, “Tau butaé sibawa tau képpangngé dé' nawedding muttama ri Bolana Puwangnge.”) Naulléni Daud sittaiwi bénténg Sion sibawa tudangiwi. Nasenni “Kota Daud”. Iyaro kotaé napatettongngi ri mattulilinna bénténgngéro, mappammulai ri seddé alauna bulu-bulu iya ripakatanré sibawa tana.

2 SAMUEL 5:7 ပူးပေါင်းရင်းမြစ်များ

2 SAMUEL 6:10

Rimakkuwannanaro dé'na namaélo tiwii Petti Assijancingngéro ri Yérusalém, sangadinna nataroi ri bolana Obéd-Edom tau Gat.

2 SAMUEL 6:12

Naéngkalingani Arung Daud makkedaé Puwangnge barakkakiwi kaluwargana Obéd-Edom sibawa sininna appunnangenna nasaba Petti Assijancingngéro. Nanalaona ri bolana Obéd-Edom, malai Pettié untu' palétté'i lao ri Yérusalém sibawa ramé-ramé battowa.

2 SAMUEL 6:16

Wettunna iyaro Pettié ritiwi muttama ri laleng kota, Mikhal ana'na Saul célléng polé ri tellongengngé nanaitai Arung Daud luppe-luppe sibawa séré-séré untu' pakalebbii Puwangnge, namajana péneddinna Mikhal mitai Daud.

1 ARUNG-NGARUNG 2:10

Nainappa maténi Daud naritampung ri Kota Daud.

1 ARUNG-NGARUNG 3:1

Napancajini Salomo Maséré sellaona sibawa pubainéwi ana' makkunrainna arung Maséré. Iyaro ana' makkunraié natiwii Salomo ri kota Daud untu' monro kuwaro narapi saorajana arungngé sibawa Bolana Puwangnge enrengngé bénténg mattulilingiyéngngi Yérusalém tépu ripatettong.

1 ARUNG-NGARUNG 8:1

Purairo nasuroni Arung Salomo sininna pamimping sukué sibawa appangngé polé ri bangsa Israélié lao ri aléna ri Yérusalém untu' palétté'i Petti Assijancinna Puwangnge polé ri Sion, Kota Daud, lao ri Bolana Puwangnge.

1 ARUNG-NGARUNG 9:24

Tana ri seddé yattanna Bolana Puwangnge natébungngi Salomo, wettunna létté'ni bainéna, iyanaritu ana'na arung Maséré, polé ri Kota Daud lao ri saorajana iya ripatettongengngéngngi ri Salomo.

2 TAWARIKH 24:16

Rikuburu'i ri tampung arung-ngarungngé ri Kota Daud untu' mangke'i jasa-jasana lao ri Allataala, lao ri Bolana Puwangnge sibawa lao ri umma Israélié.

2 TAWARIKH 5:2

Purairo nasuroni Arung Salomo sininna pamimping suku sibawa appang polé ri bangsa Israélié maddeppungeng ri Yérusalém untu' palétté'i Petti Assijancinna Puwangnge polé ri Sion, Kota Daud lao ri Bolana Puwangnge.

MAZMUR 132:13

Saba' purai napilé Puwangnge Sion; nacinnaiwi untu' mancaji onrong Naonroiyé.

MAZMUR 2:6

Adan-Na, “Ri Sion bulu-bulu-Ku iya mapaccingngé purani Ulanti arung upilé-Ku.”

MAZMUR 48:12

Leppessanni ra'ya' Sion sibawa Yéhuda gora marennu, nasaba Muhukkungngi balinna mennang.

MAZMUR 48:3

Sion, Bulu Allataala maccaloli'i magello kotana Arung Marajaé perennuiwi sininna linoé.

MAZMUR 51:18

Dé' muwéloriwi akkarobangeng rigéréé; ébara'na makkasuwiyakka akkarobangeng ritunu, dé' Mupojiwi.

MAZMUR 87:2

Polé risininna kotana Israélié, Yérusalém kaminang Namaséi.

MAZMUR 9:11

Tau iya missengngék-Ko mamménasai ri Iko, oh Puwang, tau iya sompaék-Ko dé' Musalaiwi.

YESAYA 12:6

Gora-gorano éh pabbanuwana Sion, akkélonno sibawa marennu. Allataala mapaccinna Israélié malebbi tongeng, monroi ri tengnga-tengngamu.”

YESAYA 59:20

Makkedai Puwangnge lao ri umma'-Na, “Maéloka lao ri Yérusalém untu' passalama manekko iya toba'é polé ri dosa-dosamu.

YEREMIA 21:13

Nainappa makkeda Puwangnge lao ri Yérusalém, “Eh Yérusalém! Lebbi tanréi onrommu naiya sining lompo'é ri seddému. Pada-padako bulu-bulu batué maccaloli ri padang malappaé, iyakiya maélo-Ka méwako. Makkedako makkedaé dé' muwi séddi mulléi gasako iyaré'ga leppoi sining béntémmu,

MIKHA 4:2

makkeda manengngi matu mennang, “Laono mai taénré ri bulu-buluna Puwangnge ri Bolana Allataalana Israélié! Nappagguruwangngi matu lao ri idi aga iya harusu'é tapogau'. Taccowériwi matu lalen-Na saba' pappagguruwanna Puwangnge poléi ri Yérusalém; Aléna mabbicarai polé ri Sion lao ri umma'-Na.”

ROMA 9:33

Passalenna iyaro batué ri laleng Kitta'é tarokii makkuwaé, “Pénessaiwi iyaé: Ri Sion pura Upalénne'i séuwa batu iya nassabariyéngngi matu tauwé tabbuttu; iyanaritu séuwa batu battowa iya nassabariyé tauwé mabuwang. Iyakiya tau iya mateppe'é ri Aléna dé' nakacélé matu.”

IBRANI 12:22

Sibalé'na, laoko ri Bulu Sion sibawa kotana Allataala iya tuwoé, iyanaritu Yérusalém iya ri surugaé sibawa massebbu-sebbu malaéka'na.

WAHYU 14:1

Nainappaka makkita, napaitana iyaro Ana' Bimbala'é tettong ri yasé'na Bulu-bulu Sion. Nasibawang Aléna engka 144.000 tau iya limannaé tungke'-tungke' taroki asen-Na sibawa asenna Ambo'-Na.