2 SAMUEL 5:6 - KITTA KAREBA MADECENG

⁶ Riséuwaé esso Arung Daud sibawa ana' buwana joppani maélo gasai Yérusalém. Tau Yébus-é pabbanuwana kotaéro, nasengngi makkedaé dé' naulléi matu Daud caui Yérusalém. Rimakkuwannanaro makkedani mennang ri aléna, “Dé' muwulléi matu muttama kumaiyé; muwi sining tau buta sibawa sining tau képpang naulléto paddésu'ko.”

2 SAMUEL 5:6 ပူးပေါင်းရင်းမြစ်များ

KAJAJIYANG 14:18

Malkisédék, arung Salém iya mancajiyé imanna Allataala Iya Pommatanré, tiwi roti sibawa anggoro untu' Abram,

2 SAMUEL 22:30

Mupéwatangika untu' paccappui balikku; nasibawang bantuwanna Allataalaku uleppoi attahangenna mennang.

AMSAL 21:22

Tau iya maccaé naullé sittaiwi kota iya nanrowangngé tentara iya barani; naruttungngi sining bénténg iya nattuwangngé.

YEREMIA 21:13

Nainappa makkeda Puwangnge lao ri Yérusalém, “Eh Yérusalém! Lebbi tanréi onrommu naiya sining lompo'é ri seddému. Pada-padako bulu-bulu batué maccaloli ri padang malappaé, iyakiya maélo-Ka méwako. Makkedako makkedaé dé' muwi séddi mulléi gasako iyaré'ga leppoi sining béntémmu,

YEREMIA 37:10

Akkalarapanna mucau manengngi tentara Babél-é angkanna iya monroé banna sining tau iya malo senna'é ri laleng kéma-kémana mennang, iyakiya moto'i matu mennang sibawa tunui gangka cappu iyaé kotaé.’ ”

IBRANI 7:1

Iyaé Malkisédék iyanaritu arung polé ri Salém sibawa imanna Allataala Iya Pommatanré. Wettunna Abraham lisu polé ri ammusurengngé caui sining arungngé, poléi Malkisédék duppaiwi sibawa barakkakiwi.

YOSUA 10:3

Rimakkuwannanaro nasuroni Adoni-Zédék tauwé lao ri Arung Hoham ri Hébron, Arung Piréam ri Yarmut, Arung Yafia ri Lakhis, nenniya Arung Debir ri Eglon, sibawa tiwii pasengngéwé,

YOSUA 15:63

Kota Yérusalém muttama toni appunnangenna Yéhuda, iyakiya tau Yéhudaé dé' naulléi paddésu'i tau Yébus-é iya monroé kuwaro. Lettu makkekkuwangngé tau Yébus-é monro mupi silaong tau Yéhudaé ri kotaéro.

HAKING-HAKING 1:21

Suku Bényamin dé' naulléi paddésu'i tau Yébus-é massu polé ri kota Yérusalém. Iyanaro saba'na naonro mupa tau Yébus-é kuwaro silaong tau Bényamingngé.

HAKING-HAKING 1:8

Naluruini tau Yéhudaé Yérusalém, nanasittai sibawa natunui iyaro kotaé nenniya naunoi pabbanuwana.