2 SAMUEL 5:23 - KITTA KAREBA MADECENG

²³ Siseppi Daud méllau panunju ri Puwangnge. Nappébali Puwangnge, “Aja' mugasai mennang polé kuwaé, iyakiya joppano maccenné namugasai polé ri munri, ri seddéna ajukajung murbéié.

2 SAMUEL 5:23 ပူးပေါင်းရင်းမြစ်များ

2 SAMUEL 2:1

Purairo makkutanani Daud lao ri Puwangnge, “Napuwéloga Puwangnge laoka makuwasaiwi sala séddinna kotaé ri Yéhuda?” Nappébali Puwangnge, “Ya.” Nakkutana Daud, “Kota kéga?” Nappébali Puwangnge, “Hébron.”

2 SAMUEL 5:19

Makkutanani Daud ri Puwangnge, “Harusu'ka'ga gasai tau Filistingngéro? Aga Muwérékka matu apakalang?” Nappébali Puwangnge, “Gasani! Uwérékko matu apakalang!”

1 TAWARIKH 14:14

Siseppi Daud méllau panunju polé ri Allataala, namappébali Allataala, “Aja' muluruiwi mennang polé kuwaé, iyakiya joppano malléko sibawa gasai polé ri liweng, seddéna aju-kajung murbéié.

YOSUA 8:2

Ai sibawa arunna harusu'i mugaukeng pada-pada mugaukengngéngngi Yérikho sibawa arunna riyolo. Iyakiya iya sisengngé barab-baranna sibawa olokolo'na weddingngi muwala mancaji appunnangemmu. Sadiya-sadiyano untu' luruiwi kotaéro tappa polé ri monri.”

YOSUA 8:7

Ri wettuénnaro harusu'ko massu polé ri onrong allekkekemmu, sibawa sittaiwi kotaéro. Puwang Allataalamu mabbéréyangngi matu lao ri iko.

1 SAMUEL 22:15

Mémeng, purai atatta méllaungengngi panunju polé ri Allataala untu' aléna, iyakiya tenniya untu' mammulanna atatta pogau'i iyaro. Passalenna assipekkekengngé méwai Datu, aja' Datu nateppui atatta iyaré'ga muwi séddi tau ri laleng kaluwargana atatta. Dé' gaga naisseng atatta passalenna gau'éro!”

1 SAMUEL 23:2

Namakkutanana ri Puwangnge, “Harusu'ka'ga lao gasai tau Filistingngé?” Nappébali Puwangnge, “Ya, gasai mennang sibawa passalama'i pabbanuwana Kéhila.”