2 SAMUEL 5:20 - KITTA KAREBA MADECENG

²⁰ Nanalaona Daud ri Baal-Pérasim nakkuwaniro nacau pasukang Filistingngéro. Namakkeda, “Puwangnge pura leppoi attahangenna balikku, pada-pada lémpe'é ruttungngi séuwa-séuwaé ri laleng sikédé.” Iyanaro saba'na nariyaseng iyaro onrongngé Baal-Pérasim.

2 SAMUEL 5:20 ပူးပေါင်းရင်းမြစ်များ

2 SAMUEL 19:9

Ri yelle'na sininna suku Israélié momponi assisalangngé. Adanna mennang, “Purani' napassalama Arung Daud polé ri tau Filistingngé sibawa paleppe'ki polé risining bali laingngé, iyakiya makkekkuwangngé larini polé ri Absalom nanasalaiwi wanuwaéwé.

1 TAWARIKH 14:11

Nanagasani Daud silaong sining pasukanna iyaro sining tau Filistingngé ri Baal-Pérasim sibawa caui mennang. Makkedani Daud, “Allataala pura pakéka untu' leppoi attahangenna balié pada-pada lémpe'é ruttungngi sini-sininnaé ri laleng sikédé.” Iyanaro saba'na iyaro onrongngé nariyaseng Baal-Pérasim.

MAZMUR 60:1

Untu' pamimping kor. Situru lagunna: Bunga bakung assabbiyangngé. Mazmur pappagguruwang polé ri Daud,

YESAYA 28:21

Tokkongngi matu Puwangnge pada-pada ri Bulu Pérazim. Méwai matu pada-pada ri Lompo Gibéon untu' pogau'i akkatta-Na, akkatta iya makalallaingngé untu' tolinoé! Napogau'i matu winru-Na iya mappabengngaé.

HABAKUK 3:13

Majjongkako malluru untu' paleppe'i umma'-Mu sibawa untu' passalama'i arung Mupilé. Muwunrui gangkanna mabuwang pamimpinna tau madorakaé, Musaringngi gangka cappu sininna tomaccowériyéngngi.