2 SAMUEL 5:2 - KITTA KAREBA MADECENG

² Riyolopa nariyolo, mala wettunna mupa Saul paréntaki, Datuto pimpingngi tentara Israélié tungke' mennang maju mammusu, nainappani pura majjanciwi Puwangnge lao ri Datu makkedaé Datu ritu iya pimpingngéngngi matu umma'na sibawa mancaji arunna mennang.”

2 SAMUEL 5:2 ပူးပေါင်းရင်းမြစ်များ

KAJAJIYANG 49:24

Iyakiya tette'i Yusuf masse taiyyana, tette'i masse panana, nasaba akuwasanna Pakkampi Pommawatangngé, Allataalana Yakub, Pallinrunna Israélié.

2 SAMUEL 6:21

Nappébali Daud, “Séré-séréka untu' pakalebbii Puwangnge, iya puraé sampéyangngi ambo'mu nenniya kaluwargana, nainappa napiléka mancaji pamimpinna Israélié, umma'-Na. Rimakkuwannanaro maéloka matteru séré-séré untu' pakalebbii Puwangnge.

2 SAMUEL 7:7

Ri laleng sollérekkuro silaong bangsa Israélié, dé'pa naengka Uwakkutana lao risining pamimping iya puraé Upilé, aga saba'na mennang dé' napatettongek-Ka bola polé ri aju camara Libanongngé.’

2 SAMUEL 7:8

Rimakkuwannanaro, Natan, paissengiwi atak-Ku Daud, makkedaé Iyya, Puwang Iya Pommakuwasaé, makkeda lao ri aléna, ‘Purano Uwala polé ri jama-jamammu makkampi bimbala ri padangngé sibawa Uwakka mancaji arung ri umma'-Ku Israélié.

2 ARUNG-NGARUNG 20:5

lisu ri Hizkia, arunna umma'na Puwangnge, sibawa palettu'i pasengngéwé, “Iyya, Puwang, Allataala iya nasompaé Daud toriyolomu, pura méngkalingai sempajammu sibawa mitai uwai matammu. Maéloka pajjappako; sangadi laono matu ri Bola-Ku.

1 TAWARIKH 11:2

Riyolopa nariyolo, mala wettunna mupa Saul paréntaki, Datu ritu pimpingngi tentara Israélié sises-siseng mennang maju mammusu. Nainappa Puwang Allataalana Datu pura majjanci makkedaé Datu ritu iya maéloé pimpingngi umma'-Na sibawa mancaji arunna mennang.”

2 TAWARIKH 1:10

Rimakkuwannanaro wérénna' apanréng sibawa pangissengeng iya uwapparelluwangngé untu' pimpingngi mennang. Rékko dé' nakkuwaro, pékkugi makkulléka paréntai umma'-Mu iya battowaéwé?”

YESAYA 40:11

Pada-padai séddié pakkampi Napiyarai ampi-Na; Aléna paddeppungengngi mennang. Nakokkongngi ana'-ana' bimbala'é, nasibawang alemmang Natinrosiwi sining indo'-Na.

YESAYA 55:4

Sitongenna, Upancajiwi pamimping sibawa pallima, sabbi polé ri akuwasak-Ku untu' bangsa-bangsaé.

YEHEZKIEL 34:23

Makka-Ka matu séddi arung iya pada-padaé atak-Ku Daud, untu' mancaji alé-aléna pakkampina mennang, na aléna piyarai matu mennang.

MIKHA 5:4

sibawa mabbéréi matu adaméngeng. Narékko nagasai tentara Asyur-é wanuwatta sibawa rumpa'i attahangetta, ripangarai matu sining pamimpitta iya kaminang mawatangngé untu' musui mennang. Iyaro sining pamimpitta nacaui matu Asyur sibawa awatangeng senjata, nenniya passalama'ki polé ri limanna mennang.

ABBILANGENG 27:17

séddi tau iya mullééngngi mancaji pallima wettunna mennang mammusu. Aja' muleppessangngi iyaé umma'-Mu pada-pada bimbala makkonrong iya dé'é nappunnai pakkampi.”

MATIUS 2:6

‘Iko Bétléhém, ri wanuwa Yéhuda, sitonget-tongenna tenniyako kaminang baiccu ri yelle'na kota-kota mapongngé ri Yéhuda. Nasaba polé ri iko poléi matu séddi pamimping iya pimpingngéngngi umma'-Ku Israélié.’ ”

YOHANES 10:11

Iyya'na pakkampi makessingngé. Pakkampi iya makessingngé nabbéréyangngi nyawana untu' sining bimbala'na.

IBRANI 2:10

Mémeng sipato'ni Allataala – iya pinruéngngi sininna séuwa-séuwaé untu' akkatta-Na muto – mébbui Yésus pappassalama' iya sukkué naolai anrasa-rasangngé. Nallalengiro naulléi Allataala mérai maéga tau untu' maccowé ripakaraja silaong Yésus. Saba' Aléna pattimpa laleng lao ri mennang untu' weddingngi ripassalama'.

1 SAMUEL 13:14

Iyakiya makkekkuwangngé dé'na matu nattahang apparéntanna Datu. Nasaba dé' Datu naturusiwi paréntana Puwangnge, purani napilé Puwangnge tau laing iya Napuwéloé untu' riyakka mancaji arung ri umma'-Na.”

1 SAMUEL 16:1

Siyagangngaré wettu rimunrinna makkedani Puwangnge lao ri Samuél, “Siyagapi ittana messé atiko nasaba Saul? Dé'ga na aléna tenriyangakuini selaku arunna Israélié? Makkekkuwangngé, alano minnya zaitun namulao ri Bétléhém, riséddié tau riyasengngé Isai, nasaba sala séddinna polé ri ana'-ana'na purani Upilé mancaji arung.”

1 SAMUEL 18:13

Nanapalétté'ni Daud polé ri saorajaé, sibawa makkai mancaji komandang sisebbué tau prajuri. Nanallalengiwi Daud pimpingngi pasukangngé ri laleng tungke' ammusureng.

1 SAMUEL 18:16

Iyakiya sininna Israél sibawa Yéhuda napojiwi Daud nasaba aléna pamimping iya maégaé appalanna.

1 SAMUEL 18:5

Napogau'ni Daud sininna tugasna sibawa makessing iya riwéréngngéngngi ri Saul. Rimakkuwannanaro riyakkani ri Saul mancaji parawira ri laleng tentarana, naripojina Daud ri sininna prajuri'é nenniya risining atanna Saul.

1 SAMUEL 25:28

Taddampengengngi atakkalupanna atatta. Pasti Puwangnge pancajiwi matu Puwakku enrengngé wija-wijanna Puwakku arung ri Israélié, saba' mammusui Puwakku untu' Puwangnge, sibawa dé' namaélo Puwakku pogau'i majaé gangka tuwona.

1 SAMUEL 25:30

Napogau'i matu Puwangnge sininna makessingngé iya najjanciyangngé lao ri Puwakku, sibawa dé'na namaittana naripancaji Puwakku arung ri Israélié.

1 SAMUEL 9:16

“Baja éléé kira-kira wettu makkuwaéwé, maélo-Ka suro séddi tau polé ri suku Bényamin méwako sita. Lanti'i sibawa upacara amminnyakeng untu' mancaji arung ri umma'-Ku Israélié. Napassalama'i matu umma'-Ku polé ri tau Filistingngé. Uwitani anrasa-rasanna umma'-Ku sibawa méngkalingai terinna mennang méllau tulung.”