2 SAMUEL 4:9 - KITTA KAREBA MADECENG

⁹ Iyakiya mappébaliwi Daud, “Puwang iya tuwoé, iya puraé passalama'ka polé ri sininna abalaé, naisseng makkedaé iya maéloéwé upowada tongeng.

2 SAMUEL 4:9 ပူးပေါင်းရင်းမြစ်များ

KAJAJIYANG 48:16

Aléna ritu malaéka iya puraé paleppe'ka polé risininna bahayaé. Tennapodo iyaro Allataala barakkakiwi iyaé ana'-ana'é. Tennapodo tuwoi matteru asekku sibawa asenna Abraham nenniya Ishak nasaba iyaé ana'-ana'é! Tennapodo makkéana eppoi mennang, sibawa massossorengngi maéga ri linoé.”

1 ARUNG-NGARUNG 1:29

Namakkeda Datu lao ri aléna, “Mémeng puraka majjanci ri iko, ri laleng asenna Puwangnge, Allataalana Israélié, makkedaé Salomo ana' worowanému sulléika matu mancaji arung. Nah, makkekkuwangngé majjancika ri iko nasabbing Puwang iya tuwoé, iya puraé paleppeka polé risininna asukkarakekku, makkedaé iyato essoé urupaiwi matu jancikku ri iko.”

MAZMUR 103:4

Aléna iya paleppe'éngngi nyawamu polé ri kuburu'é, iya bolloiyékko sibawa pammasé nenniya paressé babuwa.

MAZMUR 106:10

Nanallalengiwi Naripassalama'i mennang polé ri limanna balié, Naripaleppe'i mennang polé ri akuwasanna balié.

MAZMUR 107:2

Powadani iyaro makkolik-koling, éh iko iya puraé ripassalama polé ri asussangngé.

MAZMUR 34:17

Iyakiya tau iya pogau'éngngi majaé Naéwai; rékko matéi mennang, masitta'i mennang riyallupai.

MAZMUR 34:22

Tau majaé matéi nasaba jana, tau iya céccééngngi tau malempué rihukkungngi matu.

MAZMUR 69:18

Aja' tamassubbu polé ri atam-Mué, saba' masussakka, apperi-perini tulukka.

MAZMUR 71:23

Gora-goraka sibawa penno ariyo-riyong, nanakkélongeng tok-Ko pappojiyang. Tubu nyawaku makkélongngi sibawa marennu, saba' puraka Mupassalama.

1 SAMUEL 26:24

Jaji, pada-pada Datu purani rileppessang ri atatta tuwo ri essoéwé, makkuwatoniro tennapodo atatta rilinrungi ri Puwangnge sibawa rileppessang polé ri sininna bahayaé!”