2 SAMUEL 4:7 - KITTA KAREBA MADECENG

⁷ Matteruni mennang muttama ri bili' atinrong iya naonroiyé Isybosét matinro memme, nanagajangngi gangka maté. Narette'ni mennang ulunna nanatiwii lao. Puppu benni mennang joppa molai Lompo Yordan.

2 SAMUEL 4:7 ပူးပေါင်းရင်းမြစ်များ

2 SAMUEL 2:29

Abnér sibawa ana' buwana puppu benni mabbarisi molai Lompo Yordan, nainappa malléttoiwi Salo Yordan, najoppanana puppu esso bajana, lettu'ni mennang ri Mahanaim.

ASSURENG 8:3

Pennoi matu Salo Nil sibawa cuppang, angkanna iyaro cuppangngé massui polé ri uwai nauttama ri laleng saorajamu, ri laleng bili' sibawa onrong atinrommu, ri laleng bolana sining pejaba'é sibawa ra'ya'é, mala ri laleng onrong attunung rotié sibawa panci-pancié.

MATIUS 14:11

Nainappa ritiwi muttama' iyaro ulunna Yohanés ri yasé'na baki'é nariwérénna iyaro ana'daraé. Nainappa iyaro ana'daraé natiwireng tosi indo'na.

1 SAMUEL 17:54

Nalani Daud ulunna Goliat, nanatiwii lao ri Yérusalém, iyakiya senjata-senjatana Goliat nataroi ri laleng kémana muto.

1 SAMUEL 31:9

Narette'ni mennang ulunna Saul sibawa nalai waju musuna, nainappa kiring suro tau Filistingngé lao ri sininna wanuwa Filistingngé untu' palettu'i karéba madécéngngéro ri ra'ya'na sibawa déwatana.