2 SAMUEL 4:6 - KITTA KAREBA MADECENG

⁶ Makkunrai panganrowang bolaé cakkaruddui wettunna pépaccingiwi gandongngé, namatinro. Rimakkuwannanaro Rékhab sibawa Baana naulléi muttama.

2 SAMUEL 4:6 ပူးပေါင်းရင်းမြစ်များ

2 SAMUEL 2:23

Wettunna tette'i Asaél dé' namaélo mappésau, mabbessini Abnér limonri, nanakennai babuwana Asaél gangka bettu iyaro bessié ri lekke'na. Namabuwanna Asaél sibawa maté ri onrongngéttoro. Sininna tau iya laowé ri onrong nalénnekiyéro, mappésauni kuwaro.

2 SAMUEL 20:10

Dé' naitai Amasa engka peddang ri lima abéyona Yoab. Tappa naggajangeng muni Yoab iyaro peddangngé ri babuwana Amasa, angkanna tassiya lise babuwana ri tanaé. Maténi iyatoro wettué, angkanna dé'na naparellu Yoab gajangngi paimeng. Nainappa Yoab sibawa Abisai anrinna, matteru lellungngi Séba.

2 SAMUEL 3:27

Lettu'na muwa Abnér ri Hébron, riérani ri Yoab libenréng, ri seddéna pintu gerbangngé, samanna maéloi mabbicara séuwa iya rahasiyaé. Tappa nagajang muni Yoab babuwana Abnér gangka maté. Makkuwaniro Abnér maté riyuno ri Yoab untu' mpale'i abbunowanna lao ri Asaél anrinna.

HAKING-HAKING 3:26

Wettunna mennang mattajeng mupi, larini Ehud lao ri Séira lalo ri batu-batu massobbi'é.