2 SAMUEL 3:9 - KITTA KAREBA MADECENG

^9-10 Lebbi kessing muwi utulungngi Daud, apalagi purani majjanci Puwangnge lao ri aléna maélo malai akkarungengngéwé polé ri Saul sibawa wija-wijanna, nainappa nakka Daud mancaji arung ri sininna Israélié sibawa Yéhuda. Tennapodo Allataala mpunoka, rékko dé' upaddupai jancinna Allataala lao ri Daudro!”

2 SAMUEL 3:9 ပူးပေါင်းရင်းမြစ်များ

2 SAMUEL 19:13

Risuro towi mennang ri Daud powadangngi Amasa makkuwaé, “Tenniyakoga siyajikku? Mappammulai makkekkuwangngé uwakkako mancaji pallima tentaraku sulléiwi Yoab. Tennapodo naunoka Allataala rékko dé' upogau'i gau'éro!”

2 SAMUEL 19:14

Makkuwaniro Daud naulléni malai atinna sininna tau Yéhudaé angkanna kiring mennang paseng lao ri arungngé kuwammengngi nalisu ri saorajaé silaong sibawa sininna pegawénna.

2 SAMUEL 3:35

Puppu esso tauwé makkuraga palécéi Daud kuwammengngi nanré céddé, iyakiya mattanroi, “Memmuwaré Allataala mpunoka, rékko manréka ri wettu dé'napa nalabu essoé!”

1 ARUNG-NGARUNG 19:2

Nanakirinni Izebél iyaé karébaé lao ri Elia, “Tennapodo pahukkungngi sining déwataé, mala naunoka, rékko baja wettu pada-padaéwé dé' ugaurekko pada-pada mugaurengngéngngi nabi-nabi Baal-éro.”

1 ARUNG-NGARUNG 2:23

Purana makkeda makkuwaro mattanroni Salomo nasabbing Puwangnge, “Leppessanna nakenna tanrona Puwangnge, rékko dé' uhukkung matéi Adonia nasaba paréllaunnaro!

1 TAWARIKH 12:23

Wettunna Daud ri Hébron maéga pajuwang iya tallatié masséddi sibawa aléna. Ribantuni Daud ri mennang kuwammengngi weddingngi mancaji arung sulléiwi Saul, situru sibawa jancinna Puwangnge. Jumellana mennang iyanaritu: Polé ri suku Yéhuda: 6.800 tau, sukku sibawa kaliyawo enrengngé bessi. Polé ri suku Siméon: 7.100 tau tallati. Polé ri suku Léwi: 4.600 tau. Ana' buwana Yoyada pamimping wija-wijanna Harun: 3.700 tau. Sumpulolona Zadok, séddiwi pajuwang kallolo iya baranié: 22 tau – iya manenna kepala kaluwarga. Polé ri suku Bényamin (sukunna Arung Saul): 3.000 tau; maégangngéngngi polé ri suku Bényamin tette'i matinulu ri Saul. Polé ri suku Efraim: 20.800 tau tassebbo'é ri laleng appanna tungke'-tungke'. Polé ri suku Manasyé ri seddé yajanna Salo Yordan: 18.000 tau iya rijello'é untu' lanti'i Daud mancaji arung. Polé ri suku Isakhar: 200 pamimping silaong ana' buwana mennang; iyaé sining pamimpingngé maccai pattentui aga iya harusu'é napogau' ra'ya' Israélié ri wettu iya teppa'é Polé ri suku Zébulon: 50.000 tau iya maccaé pakéi sininna rupanna senjataé, sibawa sadiya untu' mammusu; mennang iyanaritu sining tau iya matinulué sibawa riyatepperi. Polé ri suku Naftali: 1.000 pamimping silaong 37.000 prajuri iya sukkué sibawa kaliyawo enrengngé bessi. Polé ri suku Dan: 28.600 tau iya tallatié. Polé ri suku Asyer: 40.000 tau iya sadiyaé untu' mammusu. Polé ri suku-suku ri seddé alauna Yordan, iyanaritu Rubén, Gad sibawa sibagiyang suku Manasyé: 120.000 tau iya maccaé pakéi sininna rupanna senjataé.

RUT 1:17

Kégi-kégi Indo' maté, kuwatoro maéloka maté sibawa rikuburu. Tennapodo nahukkukka Puwangnge sitane-tane'na, rékko maéloka massarang polé ri Indo', sangadinna amaténg passarakki!”

1 SAMUEL 14:44

Nakkeda Saul lao ri aléna, “Tennapodo nahukkukka Allataala rékko dé' narihukkung matéko, Yonatan!”

1 SAMUEL 15:28

Namakkedana Samuél lao ri aléna, “Iyaé essoé purani nasapé Puwangnge akkarungenna Israélié polé ri Datu, sibawa mabbéréyangngi lao ri tau laing iya lebbi makessingngé naiya Datu.

1 SAMUEL 25:22

Tennapodo Allataala mpunoka rékko dé' uwunoi sininna tau worowané iya engkaé kuwaro ri wettu dé'napa naompo essoé!”

1 SAMUEL 28:17

Napogau'ni Puwangnge lao ri iko pada-pada iya puraé Napowada naolai iyya. Nalani Puwangnge akkarungeng Israélié polé ri iko nanawéréngngi Daud.

1 SAMUEL 3:17

Nakkutana Eli, “Aga napowadakko Puwangnge? Curitangeng manekka. Rékko engka séuwa iya murahasiyakangngé, pasti nahukkukko Allataala.”