2 SAMUEL 3:31 - KITTA KAREBA MADECENG

³¹ Nariparéntanna Yoab ri Daud sibawa ana' buwana kuwammengngi nasapé'i pakéyanna mennang, sibawa paké pakéyang mabbarata nenniya watingiwi Abnér. Na wettunna naantara ujuna, aléna Arung Daud joppa ri munrinna petti ujué.

2 SAMUEL 3:31 ပူးပေါင်းရင်းမြစ်များ

KAJAJIYANG 37:29

Wettunna Rubén lisu ri bujungngéro nadé' naruntu'ni Yusuf kuwaro, nasapé'ni pakéyanna nasaba messéi.

KAJAJIYANG 37:34

Nasapé'ni pakéyanna Yakub nasaba messéi nanapaké pakéyang karung. Siyagangngaré essona nawatingi ana'naro.

2 SAMUEL 1:11

Naéngkalinganaro nasapé'ni Daud pakéyanna nasaba masarai, na sininna ana' buwana pogau' towi makkuwaéro.

2 SAMUEL 1:2

Pappa bajanana, poléni séddi kallolo polé ri akkémanna Saul. Selaku tanrang mabbarata nasapé'ni pakéyanna sibawa taro tana ri ulunna. Laoni ri Daud sibawa suju' ri yolona.

1 ARUNG-NGARUNG 20:31

Poléni sining parawirana ri aléna sibawa makkeda, “Adanna tauwé, arung-ngarunna Israélié iyanaritu arung-ngarung iya maressé babuwaé. Rimakkuwannanaro, palaloni' mangolo ri arunna Israélié sibawa paké kaing karung selaku tanrang assessekaléng sibawa tulu ri ellongngé selaku tanrang tunru. Memmuwaré dé' naunoi Datu.”

1 ARUNG-NGARUNG 21:27

Puranana Elia mabbicara, nasapé'ni Ahab pakéyanna nanapaké kaing karung selaku tanrang assessekeng, nainappa mappuwasa. Muwi ri wettunna matinro paké towi kaing karung, sibawa rékko joppai, tuli masara tappana.

2 ARUNG-NGARUNG 19:1

Wettunna naéngkalinga Arung Hizkia laporanna polé ri iya tellu tauwéro, nasapé'ni pakéyanna nanapaké kaing karung tanrang messé, nainappa lao ri Bolana Puwangnge.

2 ARUNG-NGARUNG 19:2

Nainappa nasuro Elyakim, kapalana saorajaé, Sébna jurutulisi'na wanuwaé, sibawa sining imang iya macowaénna, untu' méwai sita Nabi Yésaya ana' Amos. Paké towi mennang kaing karung.

LUKAS 7:14

Nainappa Yésus maddeppériwi uléreng ujuéro nanakarawai. Naléppanna iyaro sining tau mabbuléé. Nakkeda Yésus, “Eh kallolo, Usuroko moto!”

YOSUA 7:6

Messé senna'ni Yosua sibawa sining pamimpinna bangsa Israélié angkanna nasapé-sapé mennang pakéyanna, sibawa puppu esso narapi wenni suju'i mennang ri yolona Petti Assijancinna Puwangnge sibawa taroiwi awu ulunna mennang selaku tanrang messé babuwa.

WAHYU 11:3

Maélo-Ka suroi duwa tau sabbik-Ku iya mappaké pakéyang mabbarata, sibawa nappallebbangengngi matu mennang birittanna Allataala 1.260 esso ittana.”

HAKING-HAKING 11:35

Naitana muwa Yéfta, messé senna'ni Yéfta angkanna nasapé-sapé pakéyanna, nakkedato, “Aduh ana'ku, ancuru'ni atikku! Magi na iko harusu paesséiwi atikku? Puraka mattanro lao ri Puwangnge, nadé'na nawedding ugetteng lisu paimeng!”