2 SAMUEL 3:12 - KITTA KAREBA MADECENG

¹² Nanakirinna Abnér suro lao ri Daud iya engkaé ri Hébron wettuéro, sibawa tiwi paseng, “Niga matu makuwasaiwi tanaéwé? Ebbuno assijancing sibawa iyya, naubantui matu Puwakku kuwammengngi sininna bangsa Israélié maccowéi ri Puwakku!”

2 SAMUEL 3:12 ပူးပေါင်းရင်းမြစ်များ

2 SAMUEL 19:14

Makkuwaniro Daud naulléni malai atinna sininna tau Yéhudaé angkanna kiring mennang paseng lao ri arungngé kuwammengngi nalisu ri saorajaé silaong sibawa sininna pegawénna.

2 SAMUEL 19:41

Nainappa poléni sininna tau Israélié mangolo ri arungngé sibawa makkeda, “Datu, magi silessuretta sining tau Yéhudaéro masengngi makkedaé mennang ritu mappunnai ha' untu' duppaiwi sibawa jagaiwi Datu silaong sininna kaluwargana nenniya ana' buwana Datu malléttoiwi Salo Yordan?”

2 SAMUEL 19:6

Namaséiwi Datu sining tau iya benciyéngngi Datu, iyakiya nabenciwi Datu sining tau iya mamaséiyéngngi Datu! Manessai nappaitang Datu makkedaé sining parawirana sibawa prajuri'na Datu dé' sises-siseng bettuwanna lao ri Datu. Mala samanna masennang senna'i Datu ébara'na tuwo mupi Absalom essoéwé na idi manengngé maté!

2 SAMUEL 3:11

Dé' nappébali Isybosét muwi silappa ada, nasaba métaui ri Abnér.

2 SAMUEL 3:13

Nappébali Daud, “Makessinni! Palettukengngi pasengngéwé lao ri Abnér: Maéloka mébbu assijancing sibawa iko, iyakiya sibawa séddi sara': Mikhal, ana'na Saul, harusu'i mutiwi lao ri iyya rékko poléko mangolo ri iyya.”

2 SAMUEL 3:21

Purairo massimanni Abnér sibawa makkeda, “Palalona lao untu' pakédoi sininna Israélié kuwammengngi nasséddi sibawa Puwakku. Maéloi mennang tarimai Puwakku selaku arung, nanallalengiwiro mapparéntai matu Puwakku ri sininna wanuwaé, situru élona Puwakku.” Naripalalona Abnér lao ri Daud enrengngé ritanggung asalamakenna.

2 SAMUEL 3:27

Lettu'na muwa Abnér ri Hébron, riérani ri Yoab libenréng, ri seddéna pintu gerbangngé, samanna maéloi mabbicara séuwa iya rahasiyaé. Tappa nagajang muni Yoab babuwana Abnér gangka maté. Makkuwaniro Abnér maté riyuno ri Yoab untu' mpale'i abbunowanna lao ri Asaél anrinna.

2 SAMUEL 3:38

Nakkeda arungngé lao risining pattinrona, “Dé'ga muwissengngi makkedaé iyaé essoé séddi pamimping battowa ri Israél maténi?

MAZMUR 62:9

Eh bangsaku, amménasako ri Allataala tungke wettu; loloni lise atimmu ri Aléna, saba' Aléna onrotta mallinrung.