2 SAMUEL 24:1 - KITTA KAREBA MADECENG

¹ Macaisi Puwangnge lao ri Israélié, nanapalécéi Daud sibawa akkatta papoléngengngi asukkarakeng bangsaéro. Adanna Puwangnge lao ri Daud, “Pakangkano abbilangeng ri Israél sibawa Yéhuda.”

2 SAMUEL 24:1 ပူးပေါင်းရင်းမြစ်များ

KAJAJIYANG 45:5

Aja' mumétau iyaré'ga sesse'i alému nasaba purako balu'ka. Sitongenna Allataala muto tiwika lao kuwaé poddiyoloiko untu' passalama'i maéga tau.

KAJAJIYANG 50:20

Purano sipekke untu' kédo maja lao ri iyya, iyakiya Allataala pinrai iyaro jaé mancaji adécéngeng, kuwammengngi nasibawang iyaro kajajiyangngé riyolo maéga tau iya tuwoé makkekkuwangngé weddingngi ripassalama.

2 SAMUEL 12:11

Mattanro-Ka maélo patakkennai abalaé lao ri iko iya polé ri kaluwargamu muto. Uwalai matu sining bainému ri yolona matammu nauwéréngngi tau laingngé iya matinroé matu silaong mennang ri lakessoé.

2 SAMUEL 16:10

Iyakiya makkedai arungngé lao ri Abisai sibawa Yoab kakana, “Aja' mubati-batiwi. Leppessangngi siya natanroika. Saba' rékko Puwangnge suroi, nigana punna ha' makkutanangngi magi nakédo makkuwaro?”

2 ARUNG-NGARUNG 3:6

Rimakkuwannanaro masitta'ni Yoram salaiwi Samaria nalao passadiyai sininna tentarana.

1 TAWARIKH 21:1

Macinnai Ibillisi' cilakaiwi tau Israélié; rimakkuwannanaro napalécéi Daud kuwammengngi napakangka abbilangeng.

1 TAWARIKH 7:2

Tola mappunnai 6 ana' worowané: Uzi, Réfaya, Yériél, Yahmai, Yibsam sibawa Samuél. Mennang iyanaritu kapala kaluwarga ri laleng appanna Tola sibawa tarompoi selaku prajuri-prajuri poré. Wettunna Arung Daud, wija-wijanna mennang jumellana 22.600 tau.

1 TAWARIKH 7:40

Iyanaro wija-wijanna Asyer. Kapala kaluwarga maneng mennang sibawa tarompo selaku pahlawang-pahlawang iya poré sibawa pamimping-pamimping iya battowaé. Ri laleng daftar wija-wijanna Asyer tarokii 26.000 tau worowané iya pennoiyéngngi sara'-sara'é untu' mancaji tentara.

2 TAWARIKH 32:25

Iyakiya nasaba matempoi, dé' namattarima kasi ri ajjappang iya riwéréngngéngngi ri Puwangnge. Rimakkuwannanaro macaini Puwangnge lao ri Yéhuda sibawa Yérusalém.

ASSURENG 7:3

Iyakiya maélo-Ka pancajiwi arungngé matedde ati. Dé' nabati-batiko matu, namuni papolé-Ka maéga abala ri Maséré.

YEHEZKIEL 14:9

Rékko séddié nabi purani ribengnguwang angkanna mabbéré pappébali iya salaé, Iyya ritu pura belléi. Iyya, Puwang Allataala Iya Pommatanré passalai matu polé risining tau Israélié.

YEHEZKIEL 20:25

Nainappa Uwéréng mennang hukkung-hukkung iya dé'é namakessing sibawa parénta-parénta iya dé'é naulléi mabbéré atuwong.

ANGIMANGENG 10:6

Nainappa makkeda Musa lao ri Harun sibawa lao ri ana'-ana'na iya laingngé, iyanaritu Eléazar sibawa Itamar, “Aja' muleppessangngi makota gemme'mu, sibawa aja' musapé'i pakéyammu untu' mappaitangngi makkedaé messéko sibawa mabbaratako. Rékko kédo makkuwakoro, matéko matu, nasininna umma Israélié riyacairiwi matu ri Puwangnge. Iyakiya sininna umma Israélié iya laingngé weddingngi mabbarata untu' iya duwa tau maté nasaba api polé ri Puwangnge.

ABBILANGENG 1:19

pada-pada iya napparéntangngé Puwangnge. Iya manennaro napogau'i Musa ri padang kessi Sinai.

RIWAYA'NA RASUL-RASUL-E 4:28

Masséddiwi mennang untu' pogau'i sini-sininnaé, iya puraé Mupattentu lebbi riyolo makkedaé iyaro kajajiyangngi matu. Na-Mupattentui iyaro ri laleng akuwasang sibawa élo-Mu.

2 TESALONIKA 2:11

Iyanaro saba'na na Allataala napapoléngengngi mennang séuwa akuwasang iya papusaéngngi mennang, angkanna mateppe'i mennang lao ri aga iya dé'é natongeng.

HAKING-HAKING 2:20

Rimakkuwannanaro macai senna'ni Puwangnge lao ri umma Israélié, sibawa makkeda, “Purani Uparéntang néné-nénéna bangsaéwé kuwammengngi nakkatenningngi assijancingngé ri yelle'ta Iyya sibawa mennang. Iyakiya iyaé bangsaé napettuiwi passiyo janciéro; najjalékkaiwi mennang parénta-Ku.

1 SAMUEL 26:19

Datu, éngkalingai assompanna atattaé. Ebara'na Puwangnge suroi Datu kuwammengngi naéwai atatta, séuwa pakkasuwiyang akkarobangeng wedding pasoroi matu cai-Na lao ri atatta. Iyakiya ébara'na iya suroéngngi Daturo iyanaritu tolino, tennapodo ritanroiwi ri Puwangnge! Nasaba addimonrinna polé ri pangkaukenna mennanro, ripaddésu'ni atatta polé ri tana appunnangenna Puwangnge sibawa tarapassa harusu lao ri wanuwa laingngé kégi atatta harusu massompa lao ri déwata-déwata laingngé.