2 SAMUEL 23:3 - KITTA KAREBA MADECENG

³ Allataalana Yakub pura mabbicara; lao ri aléku pallinrunna Israélié makkeda: “Arung iya paréntaéngngi ra'ya'é sibawa adélé iya mappimpingngé sibawa apatong ri Puwangnge.

2 SAMUEL 23:3 ပူးပေါင်းရင်းမြစ်များ

KAJAJIYANG 33:20

Nainappa patettong mézba kuwaro sibawa masengngi “El, Allataala Israélié”.

2 SAMUEL 22:32

Saba' banna Puwangnge ritu Allataala; Allataalata bawang pangéwaingetta.

2 SAMUEL 8:15

Makkuwaniro Daud paréntai sininna Israélié sibawa jagaiwi kuwammengngi ra'ya'na tuli rigaukengngi adélé enrengngé makessing.

1 ARUNG-NGARUNG 10:9

Ripojiwi Puwangnge, Allataalana Puwang! Ri laleng naakkana Puwang mancaji arunna Israélié, nappaitangngi Puwangnge pékkugi sennanna lao ri Puwang. Dé' pura-purana mamaséiwi bangsa Israélié; iyanaro saba'na naakkai Puwang mancaji arunna mennang, kuwammengngi weddingngi Puwang patettongngi hukkungngé sibawa adélékengngé.”

NEHEMIA 5:14

Seppuloka duwa taung ittana mancaji gubernurna Yéhuda, iyanaritu mappammulai taung maduwappuloé lettu ri taung matelluppuloé duwa apparéntanna Arung Artahsasta. Ri lalenna wettuéro iyya sibawa saudara-saudaraku dé' naengka nalai tunjangekku selaku gubernur.

AYUB 34:17

Aga Allataala iya adélé'é sibawa poréro mupassalai? Aga muwasengngi Allataala nacéccéi adélé'é?

MAZMUR 110:2

Polé ri Sion nalowangiwi matu Puwangnge akkarungemmu; akuwasaini sining balimmu!

MAZMUR 42:9

Tennapodo najjellokengngi Puwangnge pammasé-Na ri lakessoé, kuwammengngi ri wennié weddikka makkélong, sibawa massempajang lao ri Allataala assalenna atuwokku.

MAZMUR 72:1

Polé ri Salomo. Oh Allataala, appagguruwangngi hukkum-Mu lao ri arungngé, wéréngngi adélékem-Mu lao ri ana' worowanéna arungngé.

MAZMUR 72:2

Tennapodo naadélékiwi umma'-Mu situru hukkungngé, sibawa gaukengngi tau ritenre'é sibawa adélé.

ASSURENG 18:21

Iyakiya ri lainnaéro harusu'ko pilé siyagangngaré tau worowané iya mapanré, sibawa jello'i mennang mancaji pamimpinna ri yasé'na sisebbu tau, sératu tau, limappulo tau, sibawa seppulo tau. Sitinajai mennang sining tau iya métaué sibawa turusiyéngngi Allataala, wedding riyatepperi sibawa dé' namaélo tarima dowi pasoso.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

ASSURENG 3:15

Abbirittang towi lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, suroko lao ri mennang. Iyya'na Puwang, iyanaro asek-Ku untu' mannennungeng. Iyanaro teppungek-Ku untu' sininna bangsaé massossoreng.

AMSAL 31:9

Ewano untu' mennang, sibawa ancajino haking iya adélé'é. Linrungiwi ha'na tau kasiyasié sibawa tau ritenre'é.”

YESAYA 32:1

Itai, narapii matu wettunna séddi arung mapparénta sibawa adélé nenniya pamimping-pamimpinna bangsaé pajoppai adélékengngé.

YEREMIA 23:5

Makkedai Puwangnge, “Narapii matu wettunna, Uwakkai séddi tau arung iya adélé'é polé ri wija-wijanna Daud. Iyaro arungngé mapparéntai matu sibawa mapanré, nenniya pogau'i aga iya adélé'é sibawa tongengngé ri sininna linoé.

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

ULANGENG 32:4

Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

IBRANI 1:8

Iyakiya lao ri Ana'éro, makkedai Allataala, “Kadéra arajam-Mu, oh Allataala, mannennungengngi matu! Apparéntangem-Mu iyanaritu apparéntang iya adélé'é.