2 SAMUEL 22:7 - KITTA KAREBA MADECENG

⁷ Ri laleng aposongekku mangobbika lao ri Puwangnge, goraka lao ri Allataalaku méllau pattulung. Polé ri Bolana Naéngkalingai saddakku sibawa jampangiwi pangobbiku.

2 SAMUEL 22:7 ပူးပေါင်းရင်းမြစ်များ

MAZMUR 107:6

Ri laleng asussang mangobbii mennang lao ri Puwangnge, sibawa paleppe'i mennang polé ri aperisengngé.

MAZMUR 116:4

Naumangobbi lao ri Puwangnge, “Oh Puwang, uwéllauwi, passalama'ka!”

MAZMUR 120:1

Elong ziyara. Ri laleng asussakku mangobbika lao ri Puwangnge, na-Nabalika.

MAZMUR 18:6

Nattulilingika bahaya amaténgngé, jebba amaténgngé engkai ri yoloku.

MAZMUR 27:4

Banna séddi uwéllau ri Puwangnge, banna iyaé uwacinnai: monro ri Bolana Puwangnge sillampé atuwokku, untu' péneddingiwi akessingenna Puwangnge sibawa méllauwi pappimpin-Na.

MAZMUR 34:6

Tau ritenre'é maddennuwangngi ri Aléna sibawa marennu, dé' mennang nappunnai alasang untu' mancaji masiri.

ASSURENG 3:7

Nanakkedana Puwangnge, “Uwitani anrasa-rasanna umma'-Ku ri Maséré, sibawa méngkalingai mennang gora méllau ripaleppe polé risining tau iya tenre'éngngi mennang. Sitongenna, uwisseng maneng anrasa-rasanna mennang.

YUNUS 2:4

Makkedaka ri laleng atikku: Purana napaddésu Puwangnge polé ri yolo-Na. Dé'na uwitai matu paimeng bola onron-Na iya mapaccingngé.

HABAKUK 2:20

Engkai Puwangnge ri laleng Bola-Na iya mapaccingngé; sitinajai sininna tauwé ri linoé mammekko ri yolo-Na.

LUKAS 22:44

Manrasa-rasa senna'ni Yésus secara baténg, angkanna pédé' matonget-tongenni massempajang. Puse'-Na pada-padai daraé tetti ri tanaé.]

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.

YAKOBUS 5:4

Dé' muwajai sarona sining tau iya majjamaé ri dare'mu. Engkalingani makkekkuwangngé addarékénna mennang! Sining tau iya paddeppungengngéngngi wassélé dare'na, gora méllau tulung nagorana mennang lettu'ni ri daucculinna Allataala, Puwang Iya Pommakuwasaé.