2 SAMUEL 22:3 - KITTA KAREBA MADECENG

³ Puwangnge pada-padai bénténg iya mawatangngé onrokku mallinrung. Allataalaku pada-padai bulu batué, onrokku maccinaung. Pada-pada kaliyawoé tongkoka, sibawa jagaika kuwammengngi natuli amakka.

2 SAMUEL 22:3 ပူးပေါင်းရင်းမြစ်များ

KAJAJIYANG 15:1

Purairo, tarimani Abram pappaita sibawa méngkalingai Puwangnge makkeda lao ri aléna, “Aja' mumétau, Abram, maélo-Ka linrungiko polé ri abalaé, sibawa mpérékko saro iya battowaé.”

2 SAMUEL 22:31

Pangkaukenna Allataala sukkui, jancinna Puwangnge weddingngi riyatepperi! Pada-padai kaliyawoé lao ri sininna iya mallinrungngé ri Aléna.

2 SAMUEL 22:47

Tuwoi Puwangnge! Ripojiwi pangéwaingekku! Pakarajai arajanna Allataala, pappassalama'ku!

2 SAMUEL 22:49

Napassalama'ka polé risining balikku. Puwang, Muwérékka apakalang lao ri balikku, Mulinrungika polé risining tau mabecco'é.

2 SAMUEL 22:51

Allataala mabbéré apakalang battowa lao ri arun-Na, tette'i namaséi tau napilé-Na, iyanaritu Daud sibawa wija-wijanna untu' mannennungeng.

2 SAMUEL 23:3

Allataalana Yakub pura mabbicara; lao ri aléku pallinrunna Israélié makkeda: “Arung iya paréntaéngngi ra'ya'é sibawa adélé iya mappimpingngé sibawa apatong ri Puwangnge.

MAZMUR 14:6

Tau majaé nalawa-lawaiwi tau kasiyasié, iyakiya Puwangnge mancaji pallinruna.

MAZMUR 140:1

Untu' pamimping kor. Mazmurna Daud.

MAZMUR 140:11

Leppessanni mennang nabosingi bara api, sibawa ribuwang ri laleng kalebbonna amaténgngé, angkanna dé'na naulléi massuna.

MAZMUR 140:4

Lilana mennang padai ula mamosoé, ada-adanna mennang padai racunna ula séndo'é.

MAZMUR 142:4

Wettukku céddé pettu paddennuwang, Muwisseng aga harusu upogau'. Ri laleng iya harusu'é uwola, mammekko-mekkoi balié tangika siyo.

MAZMUR 144:2

Aléna pattulung sibawa pangéwaingekku, pappassalama'ku onrokku maccinaung. Aléna pallinrukku, onrokku manyingkiri, Napatunru'i bangsa-bangsaé lao ri iyya.

MAZMUR 18:2

Upojiki, oh Puwang, Iko ritu awatangekku.

MAZMUR 27:5

Nalinrungika Puwangnge ri wettu aperisengngé; Nasubbuka ri laleng Bola-Na, sibawa naakkaka ri tompo'na bulu batué.

MAZMUR 28:7

Puwangnge pallinrukku sibawa pangéwaingekku, mateppe'ka ri Aléna. Mattulungngi sibawa pérennuiwi atikku, upojiwi Aléna sibawa élong sukkuru.

MAZMUR 3:3

Engka maéga iya powadaéngngi makkedaé dé' namaélo Allataala tulukka.

MAZMUR 32:7

Iko ritu onrong assubbungekku, Mupaleppe'ka polé ri asukkarakengngé. Naugora-gora marennu, saba' puraka Mupassalama.

MAZMUR 46:1

Mazmurna appang Korah. Untu' pamimping kor. Nasibawang lagunna Alamot.

MAZMUR 46:11

Adan-Na, “Appésauno mammusu; issenni, Iyya'naé Allataala, maraja-Ka ri yellle'na bangsa-bangsaé, maraja-Ka ri sininna linoé.”

MAZMUR 46:2

Allataala iyanaritu allinrungeng sibawa awatangetta; tuli sadiyai sibawa paulléi mattulung ri laleng aperisengngé.

MAZMUR 46:7

Magguttui Allataala, naancuru tassiya-siya linoé; méma'i bangsa-bangsaé, maruttung sining akkarungengngé.

MAZMUR 5:12

Tennapodo sininna tau iya mallinrungngé ri Iko marennui sibawa gora-gora mannennungeng. Linrungiwi sining tau iya méloriyék-Ko, kuwammengngi namariyo-riyo nasaba Iko.

MAZMUR 55:9

Maéloka mapperi-peri sappa onrong mallinrung lao ri anginrajaé.

MAZMUR 59:16

Solléi mennang sappa inanré, sibawa mabbokka rékko dé' namesso.

MAZMUR 61:3

Mabéla polé ri bolaé mangobbika lao ri Iko, nasaba pettu paddennuwakka. Muantara'ka matu lao ri onrong allaringeng iya amangngé, onrong iya matanré senna'é untu' aléku;

MAZMUR 71:7

Atuwokku mancaji contoi lao ri tau maégaé, saba' Iko ritu pallinrukku iya mawatangngé.

MAZMUR 72:14

Napaleppe'i mennang polé ri patenre'é sibawa ateddekengngé, saba' atuwonna mennang mangke senna'i ri aléna.

MAZMUR 84:11

Lebbi kessing muwi siesso ri Bola-Mu naiya sisebbu esso ri onrong laingngé. Upiléi mancaji panganrowang sumpang ri Bolana Allataalaku naiya monro ri bolana tau majaé.

MAZMUR 84:9

Engkalingai sempajakku, oh Puwang Allataala Iya Pommakuwasaé, éngkalingai, oh Allataalana Yakub.

MAZMUR 86:14

Oh Allataala, tokkongngi tau matempoé gasaka, sigarembolang tau mabecco maélo mpunoka; dé' mennang napaduli-Ko.

MAZMUR 9:10

Iyaro Puwangnge onrong mallinrung untu' tau ritenre'é, onrong maccinaung ri wettu aperisengngé.

MAZMUR 9:9

Naparéntai bangsa-bangsaé sibawa adélé nenniya madélékiwi mennang sibawa malempu.

ASSURENG 15:2

Puwangnge pangéwaingekku iya mawatangngé; Aléna ritu passalama'ka. Aléna Allataalaku, Allataala nasompaé néné-nénéku, upakarajai Aléna.

AMSAL 18:10

Iyaro Puwangnge pada-padai manara iya masse'é; kuwaniro lao tau malempué sibawa lolongeng onrong iya amangngé.

AMSAL 30:5

Narupai Allataala tungke jancin-Na. Padai kaliyawoé untu' sininna iya laowé mallinrung ri Aléna.

YESAYA 12:2

Tongeng, iyaro Allataala Pappassalama'ku, mateppe'ka lao ri Aléna. Dé' umétau, saba' Napéwatangika. Pappassalama'ku iyanaritu Allataala, untu' Aléna umakkélong.

YESAYA 32:2

Tungke-tungke'i mennang pada-padai onrong allinrungeng polé ri angingngé sibawa anginrajaé. Pada-padai mennang salo massolo'é ri padang kessi'é, pada-pada accinaungeng batu iya battowaé ri tana iya makabuttué.

YESAYA 45:21

Palluruni parakaramu, pangoloni butti-buttinna, ya, leppessanni mennang barunding massibawa. Niga mabbirittangngi gau'éro sibawa mabbirittangngi sipongenna riyolo? Tenniyaga Iyya, Puwang? Dé'gaga déwata ri laik-Ku. Iyya ritu Allataala iya adélé'é sibawa Pappassalama, dé'gaga laingngé sangadinna Iyya!

YEREMIA 16:19

Puwang, Iko ritu linrungika sibawa mpérékka awatangeng; Iko tulukka ri wettu asukkarakengngé. Bangsa-bangsaé polé ri cappa linoé laowi matu ri Iko sibawa makkeda, “Toriyolota banna mappunnaiwi déwata palsu iya dé' sises-sisengngé nakkéguna.

YEREMIA 16:9

Engkalingai aga iya Iyya'é, Puwang Iya Pommakuwasaé, Allataalana Israélié, maélo upowada lao ri iko. Sadda marennu sibawa mariyo-riyo enrengngé ramé-raména pésta abottingengngé Upappaja manengngi matu. Iyaro gau'é nasabbingngi matu sining tau iya tuwoé ri wettummué.

LUKAS 1:47

sibawa mariyo-riyoi nyawaku nasaba Allataala Pappassalama'ku.

LUKAS 1:69

Nawérékki pappassalama' iya baranié, wijanna Daud, atan-Na.

LUKAS 1:71

untu' passalama'ki polé ri balitta sibawa polé ri akuwasanna sining tau iya benciyékki.

ULANGENG 32:37

Namakkutana matu Puwangnge ri umma'-Na, ‘Kégani déwata-déwata mawatang iya muwattuwangngé?’

ULANGENG 32:4

Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

ULANGENG 33:29

Masennakko, éh Israélié! Dé' gaga bangsa iya pada-padaé iko ripassalama ri Puwangnge. Puwangnge pada-padai peddangngé sibawa kaliyawoé lao ri iko; untu' méwaiko sibawa mpérékko apakalang. Sining balimmu poléi matu méllau paressé babuwa, namuléjja-léjja'i matu mennang.”

TITUS 3:4

Iyakiya Allataala Pappassalama'ta nappaitangngi pammasé-Na sibawa akessingeng atin-Na lao ri idi.

TITUS 3:6

Natiri'i Allataala Roh-Na lao ri idi naolai Yésus Kristus, Arung Pappassalama'ta,

IBRANI 2:13

Makkeda towi Yésus, “Maélo-Ka mamménasa lao ri Allataala.” Sibawa makkeda towi, “Iyanaé Iyya, silaong ana'-ana' iya puraé nabbéréyang Allataala lao ri Iyya.”

1 SAMUEL 2:1

Namassempajanna Hana, adanna, “Napérennuiwi atikku Puwangnge; pangkaukenna Napésennangiwi nyawaku. Nasibawang ariyo-riyong uwéllékéllé'i balikku, saba' tonget-tongengngi Allataala pura tulukka.

1 SAMUEL 2:2

Dé' gaga iya mapaccingngé pada-pada Puwangnge! Banna aléna iya mullé mabbéré allinrungeng.