2 SAMUEL 22:1 - KITTA KAREBA MADECENG

¹ Puranana napassalama Puwangnge Daud polé ri Saul sibawa polé ri sininna balinna iya laingngé, napuwélonni Daud iyaé élongngé untu' Puwangnge: [

2 SAMUEL 22:1 ပူးပေါင်းရင်းမြစ်များ

2 SAMUEL 12:7

Nakkeda Natan lao ri Daud, “Datu ritu iyaro tauwé! Na iyanaé napowada Puwangnge, Allataalana Israélié, ‘Purano Uwakka mancaji arung ri Israélié sibawa Upassalama polé ri Saul.

2 SAMUEL 22:49

Napassalama'ka polé risining balikku. Puwang, Muwérékka apakalang lao ri balikku, Mulinrungika polé risining tau mabecco'é.

1 TAWARIKH 16:7

Iyanaro bunge'-bunge'na Daud suroi Asaf sibawa sellao-sellaona untu' makkélong pappoji-pojiyang lao ri Puwangnge.

MAZMUR 34:19

Macawé Puwangnge ri tau iya marenni atié; Napassalama'i tau iya teddéngngé sumange'na.

MAZMUR 50:14

Akkasuwiyangenni akkarobangeng sukkuru lao ri Allataala, rupaini jancimmu lao ri Iya Pommatanré.

ASSURENG 15:1

Nainappa Musa sibawa sining tau Israélié napuwélong élongngéwé untu' pojiiwi Puwangnge, “Maéloka makkélong untu' Puwangnge, saba' pakalani sibawa battowa. Sininna anyarangngé sibawa tonangiyéngngi naggenrungengngi ri laleng tasi'é.

2 KORINTUS 1:10

Iyanaritu iya puraé passalama'ki polé ri abala amaténg iya battowaéro. Sibawa Aléna ritu matu passalama'ki matti ri esso-esso rimunri, saba' ri Alénaki mamménasa.

ULANGENG 31:30

Nanapowadani Musa iyaé élongngé gangka cappu na sininna bangsa Israélié méngkalingai.

2 TIMOTIUS 4:18

Mémeng Puwangngé maélo leppessakka polé ri tungke' pakkuraga majaé lao ri iyya. Maéloi tiwika sibawa salama' ri laleng akkarungen-Na ri surugaé. Sitinajai Aléna ripakaraja mannennungeng! Aming.

HAKING-HAKING 5:1

Iyaro essoé makkélonni Débora sibawa Barak ana' Abinoam. Makkuwaiyé adanna:

1 SAMUEL 23:14

Purairo monroni Daud ri gowa-gowaé ri bulué ri padang kessi Zif. Tuli rilellungngi ri Saul, iyakiya Puwangnge dé' nabbéréyangngi lao ri arungngéro.

1 SAMUEL 24:15

Pénessaini atattaé iya maéloé riyuno ri arunna Israélié! Itani atattaé iya tuli rilellungngé! Atatta banna sikaju asu maté, séddimi utu bawang.

1 SAMUEL 25:29

Ebara'na séddié tau luruiwi Puwakku sibawa cobai mpunoi Puwakku, pasti rilinrungiwi matu Puwakku ri Puwang Allataala pada-pada waramparang iya najagaiyé punnana. Iyakiya balinna Puwakku riyaggenrungengngi matu mabéla ri Puwangnge, riyaggenrungeng ri pallobangngé.

1 SAMUEL 26:24

Jaji, pada-pada Datu purani rileppessang ri atatta tuwo ri essoéwé, makkuwatoniro tennapodo atatta rilinrungi ri Puwangnge sibawa rileppessang polé ri sininna bahayaé!”

1 SAMUEL 27:1

Mappikkiri'ni Daud ri laleng atinna, “Muwi maga séuwa esso naunoka matu Saul. Jaji, dé'na gaga laleng laing ri aléku, sangadinna lari lao ri daéra Filistin. Nanallalengiro dé'na nasappaka matu Saul ri Israélié, sibawa amang tona matu.”