2 SAMUEL 21:3 - KITTA KAREBA MADECENG

³ namakkutana lao ri mennang, “Aga wedding upogaukekko? Macinnaka mpajai asalang iya puraé ripogau' lao ri iko, kuwammengngi mubarakkakiwi umma'na Puwangnge.”

2 SAMUEL 21:3 ပူးပေါင်းရင်းမြစ်များ

2 SAMUEL 20:19

Iyaé kotata Abél battowa, sala séddinna kota iya kaminang tennangngé sibawa matinulué ri tana Israélié. Magi Puwang namakkuraga mancuru'i? Macinnaiga Puwang solangiwi tana appunnangenna Puwangnge?”

ASSURENG 32:30

Pappa bajana makkedani Musa lao ri bangsaéro, “Purano pogau' dosa loppo. Iyakiya makkekkuwangngé maélosika tuppuiwi iyaro bulué untu' mangolo ri Puwangnge; memmuwaré lolongekka paddampeng untu' dosamu.”

ANGIMANGENG 1:4

Nainappa harusu'i napalénne limanna ri tompo ulunna iyaro olokolo'é, naritarima matu pakkasuwiyanna untu' paddampengeng dosana.

YUNUS 1:11

Napédé marajatona bombangngé, nainappa makkutana sining ana' kappala'é lao ri aléna, “Aga harusu tapogau' lao ri iko kuwammengngi nappésau iyaé bombangngé?”

IBRANI 9:22

Mémeng manuru hukkunna agama Yahudié, céddé'pi nasininna séuwa-séuwaé ripaccingiwi sibawa dara; na dosaé banna weddingngi riyaddampengeng rékko engka dara ripatabbollong.

1 SAMUEL 2:25

Rékko pasalai tauwé lao ri tolinoé, naulléi Allataala méwaiwi; iyakiya rékko madosai tauwé lao ri Puwangnge, nigana mulléi tulungngi?” Iyakiya dé' mennang nabati-batiwi pangajana Eli ambo'na, saba' purani napettui Puwangnge untu' mpunoi mennang.

1 SAMUEL 26:19

Datu, éngkalingai assompanna atattaé. Ebara'na Puwangnge suroi Datu kuwammengngi naéwai atatta, séuwa pakkasuwiyang akkarobangeng wedding pasoroi matu cai-Na lao ri atatta. Iyakiya ébara'na iya suroéngngi Daturo iyanaritu tolino, tennapodo ritanroiwi ri Puwangnge! Nasaba addimonrinna polé ri pangkaukenna mennanro, ripaddésu'ni atatta polé ri tana appunnangenna Puwangnge sibawa tarapassa harusu lao ri wanuwa laingngé kégi atatta harusu massompa lao ri déwata-déwata laingngé.