2 SAMUEL 20:9 - KITTA KAREBA MADECENG

⁹ Makkedani Yoab lao ri Amasa, “Aga karéba sellao?” Nanakkatenning towi janggo'na Amasa sibawa lima ataunna samanna maéloi bauwi.

2 SAMUEL 20:9 ပူးပေါင်းရင်းမြစ်များ

2 SAMUEL 15:5

Rékko engka tau iya maddeppériyéngngi Absalom untu' suju' sompai, naloro'i limanna Absalom, nainappa nakaddao iyaro tauwé sibawa nabau.

2 SAMUEL 17:25

Purani riyakka Amasa ri Absalom mancaji kapala pasukang sulléiwi Yoab. Amasa ana' Yitra tau Ismaél; indo'na riyaseng Abigail ana' Nahas, iyanaritu padakkunrainna Zéruya indo'na Yoab.)

2 SAMUEL 18:29

Nakkutana arungngé, “Aga Absalom kalloloéro salama'i?” Nappébali Ahimaas, “Datu, onna wettunna atatta risuro ri Yoab, naitai atatta arukkang battowaé, iyakiya dé' naissengngi atatta aga kajajiyang.”

2 SAMUEL 3:27

Lettu'na muwa Abnér ri Hébron, riérani ri Yoab libenréng, ri seddéna pintu gerbangngé, samanna maéloi mabbicara séuwa iya rahasiyaé. Tappa nagajang muni Yoab babuwana Abnér gangka maté. Makkuwaniro Abnér maté riyuno ri Yoab untu' mpale'i abbunowanna lao ri Asaél anrinna.

1 ARUNG-NGARUNG 2:32

Puwangnge hukkungngi matu nasaba abbunowang iya puraé napogau' tennaisseng ambo'ku. Abnér parawira Israélié, sibawa Amasa parawirana Yéhuda, iya duwanna dé' napasala. Lebbi kessingngi mennang naiya Yoab, iyakiya naunoi mennang.

MAZMUR 55:21

Silaokku riyolo gasai sellao-sellaona, nassakkarengngi jancinna.

AMSAL 26:23

Padai oring tanaé riseppu sibawa péra', makkuwaniro tau iya macenningngé ri témunna, iyakiya maja atinna.

AMSAL 27:6

Makkunrui silaongngé sibawa pappoji, iyakiya balié pakaddaowi sibawa moso.

YEREMIA 41:2

Ismaél sibawa iya seppulo tauwéro rampui peddanna mennang nanaunoi Gedalya, gubernur iya riyakkaé ri tau Babél-éro.

MIKHA 7:2

Lennye'ni tau malempué polé ri wanuwaé, tau iya matinulué lao ri Allataala dé'na gaga riruntu. Tungke' tauwé tajengngi kasempatang untu' mabbuno. Tungke'-tungke' pasangngi siyo-siyo lao ri pada-padanna.

HAKING-HAKING 3:15

Iyakiya wettunna umma Israélié mangobbi méllau tulung ri Puwangnge, Nabbéréyanni Ehud untu' paleppe'i mennang. Ehud séddiwi tau kabiyo-biyo; ana'na Géra polé ri suku Bényamin, sibawa aléna iyanaritu biyasa tiwirengngi Arung Eglon pakkasuwiyang iya harusu'é nawaja umma Israélié.