2 SAMUEL 2:5 - KITTA KAREBA MADECENG

⁵ kirinni suro lao kuwaro sibawa palettu paseng, “Tennapodo Puwangnge barakkakiko, nasaba purani muwappaitang atinuluremmu lao ri arummu sibawa tampungngi ujuna.

2 SAMUEL 2:5 ပူးပေါင်းရင်းမြစ်များ

KAJAJIYANG 14:19

nainappa nabarakkaki Abram, adanna, “Tennapodo Allataala Iya Pommatanré, iya puraé pancajiwi langié sibawa linoé, barakkakiwi Abram!

KAJAJIYANG 14:22

Nappébalina Abram, “Mattanroka ri yolona Puwangnge, Allataala Iya Pommatanré, Pappancajinna langié sibawa linoé,

2 SAMUEL 15:20

Dé'pa mumaitta monro kuwaé, masa usuroko maccowé sollé silaong iyya? Aléku paimeng dé' uwissengngi kégaka maélo lao. Lisuno namutiwi towi sellao-sellaomu sibangsaé, tennapodo Puwangnge mamaséiko sibawa matinulu ri iko.”

2 SAMUEL 21:12

laoni malai buku-bukunna Saul sibawa Yonatan polé ri pabbanuwana kota Yabés ri Giléad. (Iyaro sining tauwé purai naénnau iyaro buku-bukué ri tana lapanna kota Bét-San, onronna tau Filistingngé gattungngi iyaro sining ujué nacaunana Saul ri Bulu-bulu Gilboa.)

MAZMUR 115:15

Tennapodo nabarakkakiko Puwangnge, pancajiyéngngi langié sibawa linoé!

YOSUA 2:14

Namappébali iya duwa tauwéro, “Majjanciki makkedaé rékko nawérékki Puwangnge iyaé wanuwaé, maéloki gaukekko sibawa makessing, assaleng dé' mucuritai lao ri nigi-nigi passaletta. Leppessanni Puwangnge tanroiki rékko dé' tarupaiwi iyaro jancié.”

HAKING-HAKING 21:8

Nanasalidikini mennang aga engka séddi golongang polé ri bangsa Israélié iya dé'é nalao maddeppungeng ri Mizpa. Nanalolongenni mennang makkedaé polé risining tau Yabés-é ri Giléad, dé' muwi séddi tau iya laowé ri Mizpa.

RUT 1:8

makkedani Naomi lao ri iya duwa ménéttunnaro, “Lisu bawanno ri bolana indo'mu. Tennapodo Puwangnge makessingngi lao ri iko pada-pada makessimmu lao ri iyya sibawa lao ri mennang iya matéénnaro.

RUT 2:20

Nakkeda Naomi, “Iyaro tauwé kaluwarga macawé'ta. Aléna ritu harusu mattanggung jawa lao ri idi. Tennapodo Puwangnge barakkakiwi. Tuli narupaiwi Puwangnge jancin-Na, muwi lao ri tau iya tuwoé mupa iyaré'ga lao ri mennang iya matéénna.”

RUT 3:10

Nakkeda Boas, “Tennapodo Puwangnge barakkakiko, ana'ku. Ripasibandingngi sibawa aga iya puraé mupogau' lao ri matuwammu, pangkaukemmu makkekkuwangngéwé mappaitangngi pappoji iya lebbi battowaéppasi. Weddissa sappako lakkai iya maloloé ri yelle'na tau sugié iyaré'ga tau kasiyasi-yasi, iyakiya dé' mupogau'i iyaro.

1 SAMUEL 11:1

Nainappa Nahas, arung Amon, pangarai tentarana nanakeppungngi kota Yabésh ri daérana Giléad. Iyaro pabbanuwana Yabésh pangoloni tangnga lao ri Nahas makkuwaé, “Ebbuno assijancing sibawa idi, natatunru lao ri iko.”

1 SAMUEL 11:9

Purairo ripaissengini suro polé ri Yabésh makkuwaé, “Powadanni pabbanuwana Yabésh, makkedaé baja éléé ri wettu dé'napa natangasso, lolongengngi matu mennang pattulung.” Wettunna natarima pabbanuwana Yabésh iyaro pasengngé, masennang senna'ni mennang.

1 SAMUEL 15:13

Wettunna Samuél siruntu Saul, makkedani Saul ri aléna, “Tennapodo Puwangnge barakkakiwi Bapa'! Purani upogau' paréntana Puwangnge.”

1 SAMUEL 23:21

Nappébali Saul, “Tennapodo ribarakkakiko ri Puwangnge nasaba kédo madécékko lao ri iyya!

1 SAMUEL 24:19

Jaku lao ri iko muwale'ni sibawa akessingeng. Ri essoéwé purani muwappaitang makkedaé makkatta makessikko lao ri iyya, saba' dé' muwunoka, namuni purani nabbéréyakka Puwangnge lao ri iko.