2 SAMUEL 2:4 - KITTA KAREBA MADECENG

⁴ Nanalaona sining tau Yéhudaé ri Hébron sibawa lanti'i Daud mancaji arung ri Yéhuda. Wettunna naéngkalinga Daud makkedaé sining tau Yabésh-é ri Giléad purani nakuburu ujuna Saul,

2 SAMUEL 2:4 ပူးပေါင်းရင်းမြစ်များ

2 SAMUEL 19:11

Iyaro ada-adaé lettu towi ri Arung Daud. Rimakkuwannanaro nasuroni Imang Zadok sibawa Imang Abyatar makkutangngi risining pamimpinna Yéhuda makkuwaé, “Magi namumancaji iya paccappurengngé untu' duppaiwi sibawa tinrosiwi arungngé lisu ri saorajana?

2 SAMUEL 19:42

Namappébali tau Yéhudaé, “Tentuni, nasaba arungngé iyanaritu sumpulolona. Magi mumacai? Aga apparelluwatta natanggungngi arungngé, iyaré'ga purani nawérékki hadiya?”

2 SAMUEL 2:11

na Daud mapparéntai ri Hébron ri Yéhuda pituttaung sitengnga ittana.

2 SAMUEL 2:7

Pakkasse'ni atimmu sibawa tinda'no selaku pahlawang! Saul, arummu mémeng maténi, iyakiya purani nalanti'ka sining tau Yéhudaé mancaji arunna mennang.”

2 SAMUEL 21:11

Wettunna ripowadang Daud aga iya napogau'é Rizpa,

2 SAMUEL 21:12

laoni malai buku-bukunna Saul sibawa Yonatan polé ri pabbanuwana kota Yabés ri Giléad. (Iyaro sining tauwé purai naénnau iyaro buku-bukué ri tana lapanna kota Bét-San, onronna tau Filistingngé gattungngi iyaro sining ujué nacaunana Saul ri Bulu-bulu Gilboa.)

2 SAMUEL 5:17

Wettunna naéngkalinga tau Filistingngé makkedaé mancajini Daud arunna Israélié, poléni mennang maélo tikkengngi. Iyakiya naéngkalingai Daud gau'éro nalao ri bénténgngé.

2 SAMUEL 5:3

Mébbuni Daud assijancing sibawa sining pamimping Israéliéro, nainappa nalanti mancaji arunna Israélié.

2 SAMUEL 5:5

Ri Hébron naparéntai Yéhuda pituttaung sitengnga ittana, sibawa ri Yérusalém naparéntai sininna Israélié sibawa Yéhuda telluppulo tellu taung ittana.

2 ARUNG-NGARUNG 11:12

Purairo natiwini Yoyada massu Yoas, nainappa napatoppo passigera'é ri ulunna, sibawa mabbéréyangngi lao ri aléna kitta Hukkunna Allataala. Rilanti'ni Yoas selaku arung sibawa riyappallebbangenni iyaro gau'é lao ri ra'ya'é. Mappaleppa manenni sibawa gora, “Tuwoi Arungngé!”

1 TAWARIKH 10:11

Wettunna pabbanuwana Yabés ri Giléad méngkalingai aga pura napogau' tau Filistingngé lao ri Saul,

1 TAWARIKH 11:3

Nanaébbuna Daud assijancing sibawa sining pamimping Israéliéro. Nainappa nalanti mancaji arunna Israélié pada-pada iya puraé najjanciyang Puwangnge naolai Samuél.

1 TAWARIKH 12:23

Wettunna Daud ri Hébron maéga pajuwang iya tallatié masséddi sibawa aléna. Ribantuni Daud ri mennang kuwammengngi weddingngi mancaji arung sulléiwi Saul, situru sibawa jancinna Puwangnge. Jumellana mennang iyanaritu: Polé ri suku Yéhuda: 6.800 tau, sukku sibawa kaliyawo enrengngé bessi. Polé ri suku Siméon: 7.100 tau tallati. Polé ri suku Léwi: 4.600 tau. Ana' buwana Yoyada pamimping wija-wijanna Harun: 3.700 tau. Sumpulolona Zadok, séddiwi pajuwang kallolo iya baranié: 22 tau – iya manenna kepala kaluwarga. Polé ri suku Bényamin (sukunna Arung Saul): 3.000 tau; maégangngéngngi polé ri suku Bényamin tette'i matinulu ri Saul. Polé ri suku Efraim: 20.800 tau tassebbo'é ri laleng appanna tungke'-tungke'. Polé ri suku Manasyé ri seddé yajanna Salo Yordan: 18.000 tau iya rijello'é untu' lanti'i Daud mancaji arung. Polé ri suku Isakhar: 200 pamimping silaong ana' buwana mennang; iyaé sining pamimpingngé maccai pattentui aga iya harusu'é napogau' ra'ya' Israélié ri wettu iya teppa'é Polé ri suku Zébulon: 50.000 tau iya maccaé pakéi sininna rupanna senjataé, sibawa sadiya untu' mammusu; mennang iyanaritu sining tau iya matinulué sibawa riyatepperi. Polé ri suku Naftali: 1.000 pamimping silaong 37.000 prajuri iya sukkué sibawa kaliyawo enrengngé bessi. Polé ri suku Dan: 28.600 tau iya tallatié. Polé ri suku Asyer: 40.000 tau iya sadiyaé untu' mammusu. Polé ri suku-suku ri seddé alauna Yordan, iyanaritu Rubén, Gad sibawa sibagiyang suku Manasyé: 120.000 tau iya maccaé pakéi sininna rupanna senjataé.

1 SAMUEL 16:13

Masitta'ni Samuél malai minnya zaitungngéro nanalanti'i Daud sibawa upacara amminnyakeng ri yolona kaka-kakana. Iyatoro wettué narikuwasai Daud ri Rohna Puwangnge. Mappammulai essoéro sibawa matteru risibawanni ri Rohna Puwangnge. Nainappa lisuni Samuél ri Rama.