2 SAMUEL 2:12 - KITTA KAREBA MADECENG

¹² Riséuwaé esso laowi Abnér polé ri Mahanaim lao ri kota Gibéon, risilaongeng ri ana' buwana Isybosét.

2 SAMUEL 2:12 ပူးပေါင်းရင်းမြစ်များ

KAJAJIYANG 32:2

Wettunna Yakub mitai mennang, makkedani, “Iyaé akkémanna Allataala,” rimakkuwannanaro nasenni iyaro onrongngé Mahanaim.

2 SAMUEL 17:14

Naéngkalinganaro makkedani Abasalom sibawa sininna tau Israélié, “Lebbi kessing muwi pangajana Husai naiya pangajana Ahitofel.” Mémeng, Puwangnge pura pattentui untu' pasisalai pangajana Ahitofel iya makessingngéro, kuwammengngi nakennai Absalom abala.

2 SAMUEL 2:8

Pallima tentarana Saul, iyanaritu Abnér ana' Nér, larini silaong Isybosét ana' Saul, lao ri Mahanaim ri liwenna Salo Yordan.

YOSUA 10:12

Iyaro essoé wettunna Puwangnge mpéréngngi apakalang tau Israélié polé ri tau Amorié, mabbicarani Yosua lao ri Puwangnge sibawa ri yolona tau Israélié, makkedai Yosua, “Eh Mata esso! Appésauno ri yasé'na Gibéon. Sibawa iko kéteng! Aja' mulétté polé ri yasé'na Lompo Ayalon.”

YOSUA 10:2

Métau senna'ni pabbanuwana Yérusalém, saba' Gibéon iyanaritu kota iya battowaé; silloppo kota-kota iya mappunnaiyé arung, mala lebbi battowai naiya Ai. Sining taunna pejuwang towi iya maccaé mammusu.

YOSUA 10:4

“Laono mai bantuka gasai Gibéon, saba' sining taunna purani mébbu assijancing assisellaongeng sibawa Yosua nenniya tau Israélié.”

YOSUA 18:25

Makkuwatoro seppulo eppa kota mangoloéwé sibawa désa-désaé ri seddéna: Gibéon, Rama, Beerot, Mizpa, Kéfira, Moza, Rékem, Yirpeel, Tarala, Zéla, Eléf, Yébus (iyanaritu Yérusalém), Gibéa sibawa Kiryat-Yéarim. Iyanaro tana-tana iya riyabbéréyangngé lao ri kaluwarga-kaluwargaé ri laleng suku Bényamin untu' mancaji appunnangenna mennang.

YOSUA 9:3

Iyakiya sining tau Gibéon polé ri bangsa Héwié purani naéngkalinga passalenna aga iya napogau'é Yosua lao ri Yérikho sibawa Ai.

1 SAMUEL 17:9

Rékko ri laleng musu attandingengngéro, riyunoka, macennikki mancaji atammu, iyakiya rékko iyya pakala sibawa mpunoi, iko ritu mancaji matu atatta.