2 SAMUEL 19:9 - KITTA KAREBA MADECENG

⁹ Ri yelle'na sininna suku Israélié momponi assisalangngé. Adanna mennang, “Purani' napassalama Arung Daud polé ri tau Filistingngé sibawa paleppe'ki polé risining bali laingngé, iyakiya makkekkuwangngé larini polé ri Absalom nanasalaiwi wanuwaéwé.

2 SAMUEL 19:9 ပူးပေါင်းရင်းမြစ်များ

2 SAMUEL 15:14

Nanakkedana Daud lao ri sininna pegawénna iya engkaé ri Yérusalém, “Laono mai tamanyingkiri. Iyaé bawang laleng kuwammengngi taleppe polé ri Absalom. Dé'na namaitta napolé. Asitta'no, aja' narapii lellukki sibawa nacauki, angkanna sininna pabbanuwana kotaé naunoi!”

2 SAMUEL 18:17

Nainappa nakka ujuna Absalom nanaggenrungengngi ri laleng bujung iya maliyungngé ri ale'é. Iyaro bujungngé natébunni sibawa batu gangka matanré. Sininna pasukang Israélié larini tungke'-tungke' lao ri bolana.

2 SAMUEL 19:10

Talanti'i Absalom mancaji arung, iyakiya makkekkuwangngé maténi ri laleng ammusurengngé. Magi nadé' gaga muwi séddi tau makkuraga untu' tiwii Arung Daud lisu?”

2 SAMUEL 19:40

Sininna pasukanna Yéhuda sibawa sitengnga pasukanna Israélié tinrosiwi arungngé malléttoiwi saloé. Purairo matteruni arungngé lao ri Gilgal, namaccowéna Kimham ri aléna.

2 SAMUEL 22:44

Mupaleppe'ka polé ri appang iya madorakaé, sibawa pancajiko panguwasana bangsa-bangsaé; bangsa iya dé'é uwissengngi mancaji atakku.

2 SAMUEL 5:20

Nanalaona Daud ri Baal-Pérasim nakkuwaniro nacau pasukang Filistingngéro. Namakkeda, “Puwangnge pura leppoi attahangenna balikku, pada-pada lémpe'é ruttungngi séuwa-séuwaé ri laleng sikédé.” Iyanaro saba'na nariyaseng iyaro onrongngé Baal-Pérasim.

MAZMUR 18:43

Ureppo'i mennang pada-pada awu iya tassiyampoé, sibawa useringngi pada-pada bungkaé ri lalengngé.

ASSURENG 32:24

Usoroni mennang mabbéréyangngi paréwa ulawenna, nanabbéréyanni mennang lao ri iyya. Iya manenna paréwaéro uputtama'i ri laleng apié, namancajina iyaé sapingngé!”

1 SAMUEL 17:50

Larini Daud lao ri Goliat, nanatettong ri seddéna; nalani peddanna Goliat sibawa narampui polé ri wanuwanna, nanarette'i ulunna tau Filistingngéro. Makkuwaniro Daud caui sibawa mpunoi Goliat, banna sibawa pallobang sibawa batu! Wettunna naita sining tau Filistingngé makkedaé maténi pahlawanna mennang, larini.

1 SAMUEL 18:25

nanasuroni Saul mennang powadangngi Daud, makkuwaé, “Iya napowéloriyé datu selaku sompana banna 100 assunnarenna tau Filistingngé, selaku pakkabale lao ri balinna Datu.” (Iyanaé narancana Saul untu' mpunoi Daud naolai tau Filistingngé.)

1 SAMUEL 19:5

Purani nappésonang nyawana wettunna nauno Goliat, sibawa Puwangnge pura mpéréngngi apakalang battowa lao ri Israélié naolai aléna. Aléna Ambo' pura mitai kajajiyangngéro, sibawa marennu Ambo' wettuéro. Jaji magi makkekkuwangngé namaélo Ambo' callai tau iya dé'é napasala sibawa maélo mpunoi Daud temmakkéalasang?”