2 SAMUEL 19:4 - KITTA KAREBA MADECENG

⁴ Nasamponi arungngé rupanna nanawating sibawa macenno, “Oh ana'ku! Ana'ku Absalom! Absalom, ana'ku!”

2 SAMUEL 19:4 ပူးပေါင်းရင်းမြစ်များ

2 SAMUEL 14:1

Naisseng Yoab makkedaé muddani senna'ni Arung Daud lao ri Absalom,

2 SAMUEL 15:30

Purairo naludunni Daud sapatunna. Silaonni sininna tau maccowériyéngngi tuppuiwi Bulu-bulu Zaitun nanaterito sibawa nabombo ulunna tanrang mabbarata.

2 SAMUEL 18:33

Naéngkalinganaro messé senna'ni arungngé, nainappa ménré ri bili' yasé'na pintu gerbangngé nawating naterito, “Oh ana'ku! Ana'ku Absalom! Absalom, ana'ku! Lebbi kessing muwi iyya'na bawang maté sulléiko, ana'ku! Absalom, ana'ku!”

2 SAMUEL 19:3

Mammekko-mekkoni mennang lisu ri kotaé, pada-pada tentara iya masirié nasaba lariwi polé ri ammusurengngé.

2 SAMUEL 19:5

Laoni Yoab mangolo ri arungngé sibawa makkeda, “Iyaé essoé napakasirii Datu ana' buwana Datu, padahal mennang ritu pura passalama'i nyawana Datu, nyawana ana'-ana' worowanéna sibawa makkunrainna Datu, bainéna sibawa gundi'na Datu.