2 SAMUEL 18:9 - KITTA KAREBA MADECENG

⁹ Wettunna Absalom tonangiwi bagalna, tennasenna-sennani siruntu ana' buwana Daud. Iyaro bagal-é laloi ri yawana aju battowaé namapancé, natassakkana ulunna Absalom riséddié takkéna. Larini matteru bagalna na Absalom risalaini sibawa taggattung kuwaro.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

Napogau'ni iyaro ata-ataé paréntana Absalom, nanaunoi Amnon. Naitanaro ana'-ana' worowanéna Daud laingngé natonangini bagalna tungke'-tungke' nanalari.

2 SAMUEL 14:26

Maworong senna gemme'na, na harusu'i narette siseng sitaung saba' napéneddingiwi matane senna. Gemme iya narette'éro tane'na lebbi duwa kilo situru timbangenna arungngé.

2 SAMUEL 17:23

Wettunna napahang Ahitofel makkedaé dé' nariturusi pangajana, napatoppo'ni lapi-lapi kaleddé'na nanalisu ri kotana muto. Purana napacceppi sininna urusanna nagattunni aléna, nainappa rikuburu ri laleng kuburu'na kaluwargana.

2 SAMUEL 18:10

Séddi polé ri ana' buwana Daud mitai nanalaporo'i lao ri Yoab, “Puwang, uwitai onna Absalom taggattung riséddié aju battowa!”

2 SAMUEL 18:14

Nakkeda Yoab, “Sikuna! Cappu wettué banna sitanai sibali sibawa iko.” Nanalana Yoab tellu peppa'na bessi nanaggajangengngi ri arona Absalom iya tuwoé mupa wettuéro sibawa taggattung ri ajué.

2 SAMUEL 18:8

Mallebbanni ammusurengngé ri sininna daéraéro, na lebbi égai tau iya maté tajjebba'é ri ale'é naiya maté ri ammusurengngé.

AYUB 31:3

Pasti napapoléi acilakangngé sibawa abalaé lao ri tau iya pogau'é ja!

AMSAL 20:20

Tau iya tanroiyéngngi tomatowanna, lennye'i matu atuwonna pada-pada lampu iya peddé ri wenni iya makalemmengngé.

AMSAL 30:17

Tau iya pakatunaéngngi ambo'na iyaré'ga indo'na iya macowaénna, sitinajai riyappéyang massu kuwammengngi naripitto matanna ri kao-kaoé sibawa ujuna riyanréi ri bokangngé.

YEREMIA 48:44

Tau iya lariyé polé ri ajapperusengngé sempé'i matu ri laleng kalebbongngé, sibawa iya massué polé ri kalebbongngéro ritikkengngi matu ri laleng siyo-siyoé. Iya manennaro kajajiyangngi matu ri wettu iya puraé Upattette untu' mancuru'i Moab.

MATIUS 27:5

Naggenrungenni Yudas iyaro dowié muttama' ri Bolana Puwangngé, nainappa lao gattungngi aléna.

MARKUS 7:10

Purani nabbéréyang Musa iyaé paréntaé, ‘Pakalebbii indo'mu sibawa ambo'mu’, sibawa ‘Nigi-nigi makkeda-kedaiwi ambo' indo'na, harusu'i rihukkung maté.’

GALATIA 3:13

Iyakiya Kristus paleppe'ki polé ri tanrona Hukkunna Agamaé. Napogau'i iyaro ri laleng naleppessanna aléna tattanro nasaba idi. Saba' ri laleng Kitta'é tarokii, “Tattanroi tau iya maté rigattung ri alliri ajué.”

ULANGENG 21:23

iyaro ujué dé' nawedding rileppessang kuwaro puppu benni, iyakiya harusu'i rikuburu ri essoéttoro. Uju iya taggattungngé ri allirié napapoléi pahukkungenna Allataala ri wanuwaé. Jaji, kuburu'i iyaro ujué kuwammengngi dé' mucarépaiwi wanuwa iya nawéréngngékko Puwang Allataalamu.

ULANGENG 27:16

‘Tattanroi tau iya dé'é napakalebbii tomatowanna sibawa naleppessangngi mennang kariya-riya.’ ‘Aming!’

ULANGENG 27:20

‘Tattanroi tau iya celle-cellaéngngi ambo'na nasaba nalusérengngi sala séddinna bainéna ambo'na.’ ‘Aming!’