2 SAMUEL 18:8 - KITTA KAREBA MADECENG

⁸ Mallebbanni ammusurengngé ri sininna daéraéro, na lebbi égai tau iya maté tajjebba'é ri ale'é naiya maté ri ammusurengngé.

2 SAMUEL 18:8 ပူးပေါင်းရင်းမြစ်များ

ASSURENG 15:10

Iyakiya sisemmi mannyawa Puwangnge napapoléngengngi Maséré esso iya macilakaé. Tallemme'i mennang pada-pada tumera iya matane'é ri laleng bombanna uwai iya maseroé.

MAZMUR 43:1

Wérékka adélékeng, oh Allataala. Ewaiwi ha'ku lao ri bangsa iya madorakaé. Paleppe'ka polé ri tomajaé sibawa pabbellé.

MAZMUR 3:7

Dé' umétau lao ri massebbu balié iya keppungngékka polé ri sininna sulapa'é.

1 ARUNG-NGARUNG 20:30

Sining tau iya leppe'é, larini lao ri kota Afék, iyakiya maruttungngi témbo'na kotaéro nanageppai 27.000 tau ri yelle'na mennang. Lari toni Bénhadad lao ri kotaéro sibawa mallekke riséddié bola ri bili' bagiyang ri lalengngé.

YOSUA 10:11

Wettunna sining tau Amorié mattengngang turungiwi émpeng bulué nasaba lariwi polé ri tentara Israélié, Puwangnge pateppa bosi ése iya maloppoé polé ri langié ri yasé'na mennang puppu laleng lettu ri Azéka. Iya maté nageppa bosi ése'éro mabéla lebbi maégana naiya naunoé tau Israélié.

2 SAMUEL 18:7

Ricauni pasukang Israélié ri ana' buwana Daud; iyaro akalangngé battowa senna, 20.000 tau maté ri essoéro.

2 SAMUEL 18:9

Wettunna Absalom tonangiwi bagalna, tennasenna-sennani siruntu ana' buwana Daud. Iyaro bagal-é laloi ri yawana aju battowaé namapancé, natassakkana ulunna Absalom riséddié takkéna. Larini matteru bagalna na Absalom risalaini sibawa taggattung kuwaro.

AMSAL 24:21

Ana'ku, étauko ri Puwangnge, sibawa pakarajai arungngé. Aja' mukacowé-cowé sibawa tau iya méwaéngngi mennang.

AMSAL 24:22

Tau makkuwaéro weddingngi ancuru ri laleng sikédé, nasaba abala iya napaompoé Allataala iyaré'ga arungngé tenniya parakara baiccu.