2 SAMUEL 18:2 - KITTA KAREBA MADECENG

² Purairo naleppessanni maju mammusu ri laleng tellu kalompo, tungke'-tungke' ripimping ri Yoab, Abisai anrinna Yoab sibawa Itai polé ri Gat. Makkedani arungngé lao ri ana' buwana, “Maccowé tokka sibawakko.”

2 SAMUEL 18:2 ပူးပေါင်းရင်းမြစ်များ

2 SAMUEL 17:11

Rimakkuwannanaro, pangajaku makkuwaiyé: Paddeppungengngi sininna tau Israélié polé ri sininna wanuwaé, angkanna jumellana singngégai kessi'é ri wiring tasi'é. Nainappa aléna Petta ritu pimpingngi mennang maju mammusu.

2 SAMUEL 21:17

Iyakiya Abisai ana' Zéruya poléi tulungngi Daud. Naluruiwi iyaro rassasaé sibawa naunoi. Purairo naéllauni ana' buwana Daud kuwammengngi najjanci Daud dé'na namaélona maccowé ri laleng musué. Makkedai mennang, “Datu iyanaritu amménasanna Israélié, aja' narapiki ateddéngeng Datu,”

2 SAMUEL 23:18

Iya telluppulo parawira iya tarompoéro riyaseng towi “Tridasawira”. Ripimpingngi mennang ri Abisai anrinna Yoab, ana'na Zéruya. Engka naengka nauno tellu ratu tau sibawa bessinna. Rimakkuwannanaro, namancaji tarompo. Iyakiya dé' napada-pada héba'na “Triwira”.

2 SAMUEL 8:16

Iyanaé pejaba-pejaba tanré iya nakkaé Daud: Pallima tentara: Yoab ana' Zéruya; Jurutulisi'na saorajaé: Yosafat ana' Ahilud; Imang-ngimang: Zadok ana' Ahitub sibawa Ahimélékh ana' Abyatar; Jurutulisi'na wanuwaé: Séraya

1 ARUNG-NGARUNG 2:28

Naéngkalingani Yoab passalenna iya manenna puraé kajajiyanro. Métauni nasaba maccowéi ri Adonia. Iyakiya, riyolo dé' naccowé ri Absalom. Nanalarina lao ri Kémana Puwangnge nanakkatenning ri cappa-cappa mézbaé.

MAZMUR 3:6

Léwuka nenniya matinro sibawa amang, sibawa moto paimeng, saba' Puwangnge sanréka.

HAKING-HAKING 7:16

Nanabagéni Gidéon iya tellu ratu ana' buwana mancaji tellu regu. Tungke tau riwéréng séddi tarompé sibawa séddi kendi iya mallise'é sulo.

HAKING-HAKING 7:19

Mawé'nana tengnga benni, lettu'ni Gidéon sibawa sining taunna ri pakkaséséng akkémanna balié. Iyaro wettué tau iya jagaiyéngngi akkémangngéro, silalona sisullé jaga. Nanaseppunni Gidéon sibawa regunna tarompé'na sibawa reppa'i kendi-kendinna mennang.

HAKING-HAKING 9:43

Nanapaddeppungenni Abimélékh sining taunna, sibawa bagéi mennang mancaji tellu pasukang nainappa lao mallekke ri dare'é. Wettunna naita pabbanuwana kotaéro mattuju lao ri dare'é, massuni polé ri allekkekenna nainappa mpunoi mennang.

1 SAMUEL 11:11

Bajanana, éléé, nabagéni Saul sining taunna ri laleng tellu pasukang. Na wettunna mompo essoé maggasani mennang ri tengnga-tengngana akkémanna iyaro tau Amongngé sibawa luruiwi mennang. Ri wettu dé'napa natangasso, nacauni tentarana Saul balié. Sining tau Amon iya naullé leppe, tassiya-siyani angkanna dé'gaga duwa tau iya mullééngngi lari massibawa.