2 SAMUEL 17:8 - KITTA KAREBA MADECENG

⁸ Pasti naisseng Petta makkedaé Daud sibawa ana' buwanaro iyanaritu pajuwang iya poré. Sissekkang mennang beruwang komba iya teddéngngé ana'é. Nainappani Daud iyanaritu prajuri mappangalamang iya dé'é naengka nabbenni silaong ana' buwana.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

Tettong maneng pegawénna arungngé ri seddéna wettunna pasukang pengawalna arungngé mabbarisi laloiwi. Makkuwatoro enneng ratuna prajuri iya puraé maccowériwi polé ri Gat, mabbarisi ri yolona.

2 SAMUEL 17:9

Naullé makkekkuwangngé massubbuni ri laleng séddié gowa iyaré'ga onrong laingngé. Jaji, ébara'na ana' buwana Petta riserangngi ri Daud, naengka maté, na nigi-nigi méngkalingai gau'éro makkedai matu makkedaé ricauni ana' buwana Absalom.

2 SAMUEL 23:16

Naéngkalinganaro iya tellu tau parawiraéro nabettuni akkémanna tau Filistingngé, nanaséro uwai polé ri bujungngéro, nainappa natiwi lao ri Daud. Iyakiya dé' namaélo Daud ménungngi, mala natiri'i selaku pakkasuwiyang lao ri Puwangnge.

2 SAMUEL 23:18

Iya telluppulo parawira iya tarompoéro riyaseng towi “Tridasawira”. Ripimpingngi mennang ri Abisai anrinna Yoab, ana'na Zéruya. Engka naengka nauno tellu ratu tau sibawa bessinna. Rimakkuwannanaro, namancaji tarompo. Iyakiya dé' napada-pada héba'na “Triwira”.

2 ARUNG-NGARUNG 2:24

Gilinni Elisa sibawa mitai mennang nainappa natanroi ri laleng asenna Puwangnge. Iyatoro wettué namassu polé ri ale'é duwa beruang sibawa sapé-sapé'i patappulo duwa ana' polé ri yelle'na ana'-ana'éro.

AMSAL 17:12

Lebbi kessing muwi siruntu indo' beruwangngé iya teddéngngé ana'na, naiya tau madonggoé iya malippué sibawa adonggonna.

AMSAL 28:15

Tau maja iya makuwasaéngngi tau iya akurangengngé, pada-padai singa iya mangngaungngé iyaré'ga beruang iya paluruiyé.

YEHEZKIEL 19:2

Samannai indo'mu singa komba iya héba'é sibawa dé'é padanna. Napawekke'i ana'-ana'na ri yelle'na singa-singa poré.

DANIEL 7:5

Olokolo iya maduwaé tappana pada-padai beruwangngé. Tettongngi ri iya duwa ajé monrinna, sibawa tiwii telluppolo buku rusu ri yelle'na isi-isinna. Uwéngkalingai saddaé makkeda lao ri aléna, “Ayo, anréno juku singngéga iya mupojiyé!”

HOSEA 13:8

Uluruiko matu pada-pada beruwang iya ateddéngengngé ana'-ana'na. Usapé'-sapé'ko matu. Pada-pada singaé Uluruiko matu ri onrommu, sibawa pada-pada olokolo masekkangngé Usapé'-sapé'ko matu.

HAKING-HAKING 18:25

Nakkeda iyaro sining tau suku Dangngé, “Lebbi kessing muwi mututu témummu; aja' narapii iyaé sining tauwé macayii nanaluruiko. Mumaté matti silaong sininna kaluwargamu.”

1 SAMUEL 16:18

Naéngkalinganaro makkedani séddi atanna, “Isai pabbanuwana Bétléhém mappunnai séddi ana' worowané iya maccaé macculé musi'. Pabbaraniwi sibawa séddiwi prajuri iya makessingngé. Nainappani poréi sibawa macca mabbicara, na Puwangnge tuli tulungngi.”

1 SAMUEL 17:50

Larini Daud lao ri Goliat, nanatettong ri seddéna; nalani peddanna Goliat sibawa narampui polé ri wanuwanna, nanarette'i ulunna tau Filistingngéro. Makkuwaniro Daud caui sibawa mpunoi Goliat, banna sibawa pallobang sibawa batu! Wettunna naita sining tau Filistingngé makkedaé maténi pahlawanna mennang, larini.

1 SAMUEL 23:23

Jaji paréssai madécét-décéng gowa-gowa iya puraé mancaji onrong assubbuwanna, namulisu kumaiyé untu' laporo'i ri iyya. Nainappa maéloka lao sibawa iko, narékko engka mupi ri daéraéro, pasti usappai matu, namuni harusu'i upatassiya-siya sininna Yéhuda!”