2 SAMUEL 17:10 - KITTA KAREBA MADECENG

¹⁰ Na muwi sining tau iya kaminang baranié sibawa poré pada-pada singaé pasti métauto matu. Saba' sininna tau Israélié naisseng iyaro ambo'na Petta iyanaritu pahlawangngi, sibawa ana' buwana iyanaritu pajuwang-pajuwang iya baranié.

2 SAMUEL 17:10 ပူးပေါင်းရင်းမြစ်များ

IBRANI 11:34

naddeppériwi api maseroé, lésséi polé ri peddangngé. Malemmai mennang, iyakiya mancajiwi mawatang; baraniwi ri laleng ammusurengngé angkanna nacaui sining pasukanna bangsa laingngé.

YESAYA 19:1

Iyanaé pasenna passalenna Maséré. Laowi Puwangnge ri Maséré tonangi ellung iya magattié. Ténré barahala-barahala Maséré'é ri yolo-Na sibawa marenni ati tau Maséré'é.

YESAYA 13:7

Tungke tau napéneddingiwi kapé limanna sibawa ateddéngeng abaraningenna.

ELONG MARAJA 3:7

Itai, iyaro ulérenna Salomo, riyattulilingi ri enneng pulona tau barani, sining tau baraninna Israélié,

AMSAL 28:1

Lariwi tau majaé nadé'gaga lellungngi, iyakiya tau malempué, baraniwi pada-pada singaé.

2 SAMUEL 23:20

Séddi tau parawira iya tarompoé laingngé iyanaritu Bénaya ana' Yoyada tau Kabzeel. Barani senna'i. Duwa pahlawang battowa polé ri Moab pura nauno. Engka naengka riséuwaé esso massalju, muttama'i ri laleng séddié kalebbong, nanaunoi séddié singa kuwaro.

2 SAMUEL 1:23

Saul sibawa Yonatan, makkuwamani bessana sibawa riyamaséi; tuli masséddiwi ri laleng atuwongngé sibawa amaténgngé; lebbi masitta'i mennang naiya kuwajangngé, lebbi mawatangngi naiya singa loloé.

1 SAMUEL 18:17

Narancanani Saul kuwammengngi nariyuno Daud ri tau Filistingngé ri laleng ammusurengngé kuwammengngi natenniya aléna mpunoi. Jaji riséuwaé esso makkedai Saul lao ri Daud, “Mérab ana' makkunraikku macowaé, upasiyalako matu, assaleng muwappaitangngi abaraningemmu ri laleng mammusu untu' Puwangnge.”

ULANGENG 1:28

Jaji untu' aga laoki kuwaro? Sining tau iya risuroé lao kuwaro mébbuki métau ri laleng nalaporo'na makkedaé iyaro bangsaé lebbi watangngi sibawa lebbi poréi naiya idi, sibawa monroi mennang ri kota-kota iya sittanré langié témbo'na. Mitai mennang rassasa kuwaro!’

ASSURENG 15:15

Tau Moab iya baranié mékké, tau Kanaangngé marenni ati.

KAJAJIYANG 49:9

Yéhuda pada-padai singa loloé; naunoi anréna, nainappa lisu ri saranna; makkailii nainappa léwu, nadé' séddi tau barani rukkai.

2 SAMUEL 17:9

Naullé makkekkuwangngé massubbuni ri laleng séddié gowa iyaré'ga onrong laingngé. Jaji, ébara'na ana' buwana Petta riserangngi ri Daud, naengka maté, na nigi-nigi méngkalingai gau'éro makkedai matu makkedaé ricauni ana' buwana Absalom.

MAZMUR 89:19

Saba' pallinrutta iyanaritu tau Mupilé, oh Puwang; arutta iyanaritu appunnangenna Allataalana Israél Iya Mapaccingngé.

YEHEZKIEL 21:15

Naébbui bangsa-Ku teddéng abaraningenna sibawa menrung tabbuttu. Uwancangngi kotana mennang sibawa peddangngéro iya lala'-lala'é pada-pada billa'é, sibawa iya sadiyaé untu' mabbuno.

1 SAMUEL 16:18

Naéngkalinganaro makkedani séddi atanna, “Isai pabbanuwana Bétléhém mappunnai séddi ana' worowané iya maccaé macculé musi'. Pabbaraniwi sibawa séddiwi prajuri iya makessingngé. Nainappani poréi sibawa macca mabbicara, na Puwangnge tuli tulungngi.”