2 SAMUEL 16:9 - KITTA KAREBA MADECENG

⁹ Abisai anrinna Yoab ana' Zéruya, makkedai lao ri arungngé, “Magi Datu naleppessangngi pangacauéro tanroiwi Datu? Palaloi atatta géréi ellonna!”

2 SAMUEL 16:9 ပူးပေါင်းရင်းမြစ်များ

2 SAMUEL 19:21

Naéngkalinganaro makkedani Abisai ana' Zéruya, “Sitinajani Siméi rihukkung maté nasaba purai natanroi arung iya napilé Puwangnge.”

2 SAMUEL 19:22

Iyakiya makkedai Daud lao ri Abisai sibawa Yoab kakana, “Aja' muwaccowé campuru'i. Magi musussaika? Iyaé essoé mancaji arussika ri Israélié, nadé' nawedding engka tau Israél iya rihukkung maté.”

2 SAMUEL 3:30

Makkuwaniro Yoab sibawa Abisai anrinna, makkabale lao ri Abnér nasaba Abnér pura mpunoi Asaél anrinna ri laleng ammusurengngé ri Gibéon.

2 SAMUEL 3:8

Namacai senna'na Abnér namakkeda, “Naseggi Puwakku iyya'é ubali'bellariwi Saul sibawa maccowé ri Yéhuda? Pammulanna mupa umatinulu lao ri Saul ambo'na Puwang, sibawa lao ri sumpulolona enrengngé sellao-sellaona. Purani utulung Puwakku angkanna dé' naricau ri Daud. Namuni makkuwaro napakatunaka Puwakku banna nasaba persoalang makkunrai!

2 SAMUEL 9:8

Nasuju' si Méfibosét sibawa makkeda, “Aga bettuwanna atattaé! Magi Datu namakessing makkuwaro lao ri atatta?”

ASSURENG 22:28

Aja' mutanroiwi Allataala sibawa aja' mutanroiwi pamimping bangsamu.

LUKAS 9:54

Ri wettunna ana'-ana' gurunna Yésus, iyanaritu Yakobus sibawa Yohanés naisseng passalenna gau'éro, makkedani mennang, “Puwang, maéloki'ga Puwang, riyéllauwi apié nonno polé ri langié untu' pabbinasai sining tauwéwé?”

RIWAYA'NA RASUL-RASUL-E 23:5

Nappébali Paulus, “Oh dé' uwissengngi, Saudara-saudara, makkedaé imang lompoi. Mémeng ri laleng Kitta'é engka taroki, ‘Aja' mupakatunai pamimping bangsamu.’ ”

1 PETRUS 2:17

Angke'i sininna tauwé, amaséiwi saudara-saudaramu pada-padammu Kristéng. Etauno lao ri Allataala, sibawa pakalebbii Kaisar.

1 SAMUEL 24:14

Naisseng Datu iyaé warékkada riyoloé, ‘Jaé banna napogau'i tau iya majaé.’ Rimakkuwannanaro dé' namaélo atatta peddiriwi Datu.