2 SAMUEL 16:8 - KITTA KAREBA MADECENG

⁸ Purani murampasa akkarungenna Saul! Makkekkuwangngé nahukkunno Puwangnge nasaba muwunoi maéga senna sumpulolona Saul. Puwangnge pura mabbéréyangngi akkarungemmu lao ri ana'mu Absalom. Makkekkuwangngé maténo, éh pabbuno!”

2 SAMUEL 16:8 ပူးပေါင်းရင်းမြစ်များ

2 SAMUEL 1:16

Nakkeda Daud lao ri kallolo Amalé'éro, “Iko muto patakkennai pahukkungeng matéwé ri alému sibawa mangakuiwi makkedaé purai muwuno arung iya napilé Puwangnge!”

2 SAMUEL 19:19

“Naéllauwi atanna, tennapodo Datu dé' naangga'i atatta tette pasala. Tennapodo maéloi Datu mallupaiwi aga iya napogau'é atatta ri esso nasalainna Datu Yérusalém.

2 SAMUEL 19:21

Naéngkalinganaro makkedani Abisai ana' Zéruya, “Sitinajani Siméi rihukkung maté nasaba purai natanroi arung iya napilé Puwangnge.”

2 SAMUEL 21:1

Wettunna mapparénta Daud, kajajiyanni akkadéreng masero senna'é iya ittanaé telluttaung bujuru. Nanaéllau Daud panunju'na Puwangnge passalenna gau'éro, namakkeda Puwangnge, “Iyaro akkadérengngé iyanaritu nasaba asalanna Saul sibawa kaluwargana, purai mennang nauno sining tau Gibéongngé.”

2 SAMUEL 21:9

Riyabbéréyangngi mennang lao risining tau Gibéongngé, nainappa iya pitu tauwéro matéi massamang mennang rigattung ri tompo'na bulu-bulué ri yolona Puwangnge. Iyaro pahukkungeng maté napogau'i ri cappa'na wettu lemmaé, wettunna caddukué mammula riyéngngala.

1 ARUNG-NGARUNG 2:8

Passalenna Siméi ana' Géra polé ri kota Bahurim ri daérana Bényamin, engkato pasekku ri iko. Ri laleng allalengekku lao ri Mahanaim, iyaro Siméi natanroika riyolo sibawa mapéddara. Iyakiya rimunri, wettunna poléi duppaika ri Salo Yordan, mattanroka ri aléna nasabbing Puwangnge makkedaé dé' umaélo mpunoi.

MAZMUR 3:2

Oh Puwang, temmaka égana balikku, maéga senna gasaka!

MAZMUR 4:2

Oh Allataala, Iko ritu pangéwaingekku; balini rékko mangobbika. Wettukku masussa, Mutulukka; makkekkuwangngé amaséika sibawa éngkalingai sempajakku.

MAZMUR 55:3

Jampangika sibawa balika, ancuru'ka nasaba asussakku.

MAZMUR 7:4

Puwang Allataalaku, ébara'na macéko-cékoka, kédo maja lao ri rangengngé, iyaré'ga naparogiwi balié temmakkéalasang, ébara'na upogau'i makkuwaéro,

AMSAL 26:2

Pada-pada manu'-manu'é luttu sibawa sajé-sajé ri yelle'é, makkuwatoro tanroé dé' nawedding nakenna tau iya dé'é napasala.

WAHYU 16:6

Purani mennang napatabbollong darana umma'na Allataala sibawa darana nabi-nabié; makkekkuwangngé Muwébbui mennang ménung dara. Mémeng sitinajai iyaro untu' mennang!”

HAKING-HAKING 9:24

Iyaé gau'é kajajiyangngi kuwammengngi nariwale jana Abimélékh sibawa sining tau Sikhengngé iya pakiri-kiriyéngngi untu' mpunoi iya pituppulo ana'-ana'na Gidéon.