2 SAMUEL 16:5 - KITTA KAREBA MADECENG

⁵ Wettunna Daud lettu ri Bahurim, poléni séddi tau polé ri onrongngéro, nanaddeppériwi rombonganna arungngé, natanroiwi Daud. Iyaro tauwé asenna Siméi ana' Géra, polé ri sumpulolona Saul.

2 SAMUEL 16:5 ပူးပေါင်းရင်းမြစ်များ

2 SAMUEL 16:14

Poso senna'ni arungngé sibawa sininna ana' buwana wettunna lettu ri Salo Yordan, nainappa mennang mappésau kuwaro.

2 SAMUEL 16:4

Namakkedana arungngé lao ri Ziba, “Mappammulai makkekkuwangngé sininna appunnangenna Méfibosét mancajiwi appunnangemmu.” Nappébali Ziba, “Tarima kasi Datu. Tennapodo Datu tuli masennangngi lao ri atatta!”

2 SAMUEL 16:6

Siméi genrungngi Daud nenniya pegawé-pegawénna sibawa batu, namuni Daud riyattulilingiwi ri ana' buwana sibawa sining pengawalna.

2 SAMUEL 17:18

Iyakiya iyaé sisengngé séddi ana' worowané nasitujuwangngi mitai mennang, nanapaissengiwi Absalom. Jaji mapperi-perini lao namassubbu ri bolana séddié pabbanuwana désa Bahurim. Ri seddé bolana engka bujung namuttama'ni mennang ri lalenna.

2 SAMUEL 3:16

Iyakiya Paltiél matterui maccowériwi Mikhal naterito. Wettunna mennang lettu ri kota Bahurim, makkedani Abnér lao ri aléna, “Sikuna, lisu bawanno!” Nanalisuna Paltiél.

ESTER 2:5

Ri kota Susanro engka séddi tau Yahudi riyaseng Mordékhai ana' Yair. Wijannai Kis sibawa Siméi polé ri suku Bényamin.

AYUB 30:11

Nasaba naébbuka Allataala malemma dé' pakkullénna, napallessui mennang ajjallokenna.

MAZMUR 102:8

Dé' naweddikka matinro, pada-pada manu'-manu' masino-sinoé ri pabbingeng bolaé.

MAZMUR 109:28

Namuni mennang natanroika, tennapodo Iko barakkakika. Muwi tokkongngi mennang, ripakasirii matu mennang; iyakiya tennapodo iyya, atam-Mu, ripakarennui.

MAZMUR 69:26

Leppessangngi akkémanna masino-sino, sibawa kéma-kémana tenriyonroi.

ASSURENG 22:27

saba' iyaro kaingngé iyanaritu appunnangeng alé-aléna untu' pellaiwi watakkaléna. Rékko dé' naripalisu ri aléna, agapi harusu napaké untu' papparampa wettunna matinro? Rékko mangobbii méllau tulung lao ri Iyya, Uwéngkalingai nasaba paressé babuwa-Ka.

ASSURENG 22:28

Aja' mutanroiwi Allataala sibawa aja' mutanroiwi pamimping bangsamu.

AMSAL 26:2

Pada-pada manu'-manu'é luttu sibawa sajé-sajé ri yelle'é, makkuwatoro tanroé dé' nawedding nakenna tau iya dé'é napasala.

PAKKATOBBA 10:20

Aja' mucellai arungngé, muwi ri laleng ati. Aja mupau-pau majai tau sugié, muwi ri bili atinrong paribadié. Naullé sikaju manu'-manu' méngkalingai aga iya mupauwéro, nanapalettu'i lao ri iya nakennaé.

YESAYA 8:21

Sining tau iya macilakaé sibawa malupué mallamparengngi matu ri wanuwaéro. Nasaba akkadérengngé, maccai-cayii mennang angkanna natanroi arunna sibawa Allatalana. Muwi kégi mennang makkita, ri yasé

1 SAMUEL 17:43

Makkedai Goliat lao ri Daud, “Untu' aga tekkengngéro? Aga muwangga'ka'ga iyya'é asu?” Nainappa natanroi Daud nasabbing sining déwatana.