2 SAMUEL 16:4 - KITTA KAREBA MADECENG

⁴ Namakkedana arungngé lao ri Ziba, “Mappammulai makkekkuwangngé sininna appunnangenna Méfibosét mancajiwi appunnangemmu.” Nappébali Ziba, “Tarima kasi Datu. Tennapodo Datu tuli masennangngi lao ri atatta!”

2 SAMUEL 16:4 ပူးပေါင်းရင်းမြစ်များ

2 SAMUEL 14:22

Suju'ni Yoab ri yolona Daud, nanakkeda, “Tennapodo Allataala barakkakiwi Datu! Naissenni atatta makkekkuwangngé makkedaé napojiwi Datu atatta nasaba natarimai Datu parellaunna atatta.”

2 SAMUEL 14:4

Nanalaona mangolo iyaro makkunraié ri arungngé, nasuju' massompa sibawa makkeda, “Puwakku Iya Malebbié, tulungngi atatatta!”

2 SAMUEL 14:8

Nappébali arungngé, “Lisuno, uwurusu'i matu iyaro parakaraé.”

2 SAMUEL 16:3

Namakkutana arungngé lao ri aléna, “Kégani Méfibosét eppona puwammu Saul?” Nappébali Ziba, “Tette mupi ri Yérusalém, saba' mateppe'i makkedaé makkekkuwangngénna napalisuni matu tau Israélié akkarungenna nénéna Saul lao ri aléna.”

2 SAMUEL 16:5

Wettunna Daud lettu ri Bahurim, poléni séddi tau polé ri onrongngéro, nanaddeppériwi rombonganna arungngé, natanroiwi Daud. Iyaro tauwé asenna Siméi ana' Géra, polé ri sumpulolona Saul.

2 SAMUEL 19:27

Mala ripétenna'i atatta lao ri Datu. Iyakiya Datu pada-padai malaéka'na Allataala. Rimakkuwannanaro pogau'ni aga iya nasengngé Puwakku makessing.

2 SAMUEL 9:6

Iyaro ana' worowanéna Yonatan riyasengngi Méfibosét. Wettunna polé, suju'ni pakalebbii Daud. Nariwérékkadaina ri Daud, adanna, “Méfibosét,” namappébali, “Iyyé, Datu.”

2 SAMUEL 9:9

Nainappa riyobbi Ziba atanna Saulro ri arungngé, sibawa makkeda, “Sininna waramparang nasalaiyé Saul sibawa kaluwargana uwéréngngi eppona puwammué.

ASSURENG 23:8

Aja' mutarima dowi pasoso, saba' dowi pasoso'é mébbui tauwé buta lao ri iya tongengngé sibawa parogiwi sining tau iya dé'é napasala.

AMSAL 18:13

Mappébali ri wettu dé'napa naéngkalingai iyanaritu pangkaukeng madonggo sibawa ricella.

AMSAL 18:17

Pabbicara bunge'é ri laleng pengadilangngé tuli paitai tongeng, iyakiya pappakanessana mammulai rioji narékko poléni balinna.

AMSAL 19:2

Apatongngé tennasibawang pangissengeng, dé' namakessing; tau iya mapperi-periyé mébbui matu asalang.

ULANGENG 19:15

“Séddi tau sabbi bawang dé' nagenne untu' pannessai séddié tau riteppu pasalai; kaminang kuranna duwa tau sabbi riyapparelluwang untu' gauéro.