2 SAMUEL 15:3 - KITTA KAREBA MADECENG

³ namakkedana Absalom, “Manuru hukkungngé, tongekko, iyakiya iyagani dé' gaga wakkélé'na arungngé iya maéloé méngkalingai apparapekemmuro.”

2 SAMUEL 15:3 ပူးပေါင်းရင်းမြစ်များ

2 SAMUEL 15:4

Nainappa adannasi, “Coba, ébara'na iyya mancaji haking, tungke' tau iya mappunnaiyé assisalang iyaré'ga tuntutang weddingngi polé ri iyya naugaukengngi matu sibawa adélé.”

2 SAMUEL 8:15

Makkuwaniro Daud paréntai sininna Israélié sibawa jagaiwi kuwammengngi ra'ya'na tuli rigaukengngi adélé enrengngé makessing.

MAZMUR 12:2

Tulukki, oh Puwang, saba' dé' gagana tau iya makessingngé, tau iya matinulué ri Iko lennye'ni.

ASSURENG 20:12

Pakalebbii ambo' indo'mu, kuwammengngi musaléwangeng sibawa malampé umuru ri wanuwa iya Uwéréngngékko matu.

ASSURENG 21:17

Nigi-nigi tanroiwi ambo'na iyaré'ga indo'na, harusu'i rihukkung maté.

AMSAL 12:2

Tau makessingngé risennangiwi ri Puwangnge, iyakiya tau iya rancangngéngngi jaé tarimai matu pahukkungeng.

AMSAL 30:11

Engka tau iya tanroiyéngngi ambo'na sibawa dé' naangke'i indo'na.

AMSAL 30:17

Tau iya pakatunaéngngi ambo'na iyaré'ga indo'na iya macowaénna, sitinajai riyappéyang massu kuwammengngi naripitto matanna ri kao-kaoé sibawa ujuna riyanréi ri bokangngé.

YEHEZKIEL 22:7

Dé' muwi séddi pabbanuwamu pakalebbii tomatowanna. Mubengnguwangngi tau laingngé sibawa mala saro polé ri asussanna jandaé sibawa ana' béué.

DANIEL 11:21

Makkedasi iyaro malaéka'é, “Arung rappina iya paréntaéngngi wanuwa manorang iyanaritu séddi tau matuna iya dé'é nappunnai ha' mancaji arung. Iyakiya poléi matu tennasenna-senna sibawa sittaiwi tudangenna arungngé sibawa bellé.

ABBILANGENG 16:3

Silaongngi mennang lao mangolo ri Musa sibawa Harun enrengngé makkeda, “Cuku'ni iyaro Musa! Sininna tau Israélié ripallaingngi untu' Puwangnge. Sibawa engkai Puwangnge ri tengnga-tengngata maneng. Iyakiya magi muwangga'i alému lebbi matanré naiya umma'na Puwangnge?”

MATIUS 15:4

Saba' makkedai Allataala, ‘Pakalebbii ambo'-indo'mu,’ sibawa ‘Nigi-nigi makkeda-kedaiwi ambo'-indo'na, harusu'i rihukkung maté.’

RIWAYA'NA RASUL-RASUL-E 23:5

Nappébali Paulus, “Oh dé' uwissengngi, Saudara-saudara, makkedaé imang lompoi. Mémeng ri laleng Kitta'é engka taroki, ‘Aja' mupakatunai pamimping bangsamu.’ ”

1 PETRUS 2:17

Angke'i sininna tauwé, amaséiwi saudara-saudaramu pada-padammu Kristéng. Etauno lao ri Allataala, sibawa pakalebbii Kaisar.

2 PETRUS 2:10

lebbi-lebbipi sining tau iya turusiyéngngi sining élona hawa napessunna iya macarépaé sibawa iya pakatunaéngngi akuwasanna Allataala. Makkuwa mani baraninna sibawa tempona guru-guru palsuéro angkanna dé' mennang nabata-bata pakatunai sining mahlu' iya malebbié muwi ri surugaé!