2 SAMUEL 15:2 - KITTA KAREBA MADECENG

² Esso-esso Absalom maélé moto nanatettong ri wiring lalengngé ri seddéna pintu gerbanna saorajaé. Tungke' tau iya maéloé mapparapekengngi parakarana lao ri arungngé, naobbii sibawa natanai Absalom, adanna, “Polé ri suku kégako?” Narékko mappébaliwi iyaro tauwé, “Polé ri suku iyaé iyaré'ga iyaro,”

2 SAMUEL 15:2 ပူးပေါင်းရင်းမြစ်များ

KAJAJIYANG 34:20

Nanalaona Hémor sibawa Sikhem ri onrong addeppu-deppungengngé ri pintu gerbanna kotaé, sibawa mabbicara lao ri pabbanuwana kotana mennang, makkuwaé,

2 SAMUEL 19:8

Nanaoto'na arungngé nanalao massu, natudang ri seddéna pintu gerbangngé. Naéngkalingani ana' buwana makkedaé engkai kuwaro, napolé manenna mangolo. Na wettuéro sininna pasukanna Israélié larini, nalisu ri bolana tungke'-tungke'.

2 TAWARIKH 10:7

Nappébali mennang, “Rékko maéloi Datu pogau'i makessingngé lao ri ra'ya'é, sibawa pésennangiwi atinna wérénni pappébali iya makessingngé lao ri mennang, namatinulu matu mennang lao ri Datu mannennungeng.”

AYUB 24:14

Ri subué moto'i pabbunoé polé ri atinronna, nainappa massu mpunoi tau iya kasiyasié, na ri wettu dé'napa na élé, coco-coco'i pada-pada pangaé.

ASSURENG 18:14

Wettunna naita Yitro sininna iya harusu'é najama Musa, makkutanani, “Aga-agana iya harusu'é mujama untu' bangsaéwé? Harusu'ga iya manennaé mujama alé-alému, angkanna untu' méllauwi bawang pangajamu, iyaro sining tauwé harusu'i tettong kuwaé polé ri éléé narapi wenni?”

ASSURENG 18:16

Rékko sisalai mennang, mangoloi ri iyya kuwammengngi upettuiwi parakarana, sibawa upalettukengngi mennang sining paréntana nenniya hukkung-hukkunna Allataala.”

ASSURENG 18:26

Napajoppani mennang jamanna selaku haking-haking ri yasé'na bangsa Israélié. Parakara-parakara pentingngé napangoloi mennang ri Musa, naiya assisalang baiccu-baiccu'é napacceppini mennang.

AMSAL 4:16

Tau majaé dé' naulléi matinro ri wettu dé'napa napogau'i iya dé'é namakessing. Dé' nacakkaruddu mennang ri wettu dé'napa nacilakaiwi tau laingngé.

DANIEL 11:21

Makkedasi iyaro malaéka'é, “Arung rappina iya paréntaéngngi wanuwa manorang iyanaritu séddi tau matuna iya dé'é nappunnai ha' mancaji arung. Iyakiya poléi matu tennasenna-senna sibawa sittaiwi tudangenna arungngé sibawa bellé.

MATIUS 27:1

Maélé senna'ni sininna kapala imangngé sibawa pamimpinna Yahudié mébbu apettung untu' mpunoi Yésus.

ULANGENG 17:8

Rékko engka parakara iya dé'é naulléi pettuiwi haking-hakingngé riséuwaé onrong nasaba mawatang senna, ébara'na parakara abbunowang iya nattungkaiyé iyaré'ga dé'é nattungkaiwi, assisalang passalenna waramparang iyaré'ga silo-lo watakkalé, harusu'ko lao ri onrong iya napilé Puwang Allataalamu.

RUT 4:1

Laoni Boas ri anrong addeppungengngé ri pintu gerbanna kotaé. Tudannana kuwaro laloni tau worowané iya manuru'é Boas iyanaritu kaluwargana Elimélékh iya macawé'é. Nariyobbina ri Boas, “Saudaraku, laono mai tudang kuwaé!” Poléni iyaro tauwé, nanatudang.