2 SAMUEL 15:12 - KITTA KAREBA MADECENG

¹² Na wettunna Absalom makkasuwiyangeng akkarobangeng, kiring towi suro lao ri kota Gilo untu' mobbii Ahitofel, iyanaritu sala séddinna pappangajana Arung Daud. Makkuwaniro assikongkolokeng méwaéngngi arungngéro pédé mawatang, sibawa pédé maégani tau maccowériwi Absalom.

2 SAMUEL 15:12 ပူးပေါင်းရင်းမြစ်များ

2 SAMUEL 15:31

Wettunna ripaissengngi lao ri Daud makkedaé maccowé towi Ahitofel silaong assikongkolokenna Absalom, massempajanni Daud makkuwaé, “Oh Puwang, tennapodo aja' muleppessangngi ritarima pangajana Ahitofel!”

2 SAMUEL 16:15

Wettuéro Absalom sibawa sininna tau Israélié iya tinrosiyéngngi muttama'ni ri kota Yérusalém, na Ahitofel maccowé toni.

2 SAMUEL 17:14

Naéngkalinganaro makkedani Abasalom sibawa sininna tau Israélié, “Lebbi kessing muwi pangajana Husai naiya pangajana Ahitofel.” Mémeng, Puwangnge pura pattentui untu' pasisalai pangajana Ahitofel iya makessingngéro, kuwammengngi nakennai Absalom abala.

2 SAMUEL 17:23

Wettunna napahang Ahitofel makkedaé dé' nariturusi pangajana, napatoppo'ni lapi-lapi kaleddé'na nanalisu ri kotana muto. Purana napacceppi sininna urusanna nagattunni aléna, nainappa rikuburu ri laleng kuburu'na kaluwargana.

1 ARUNG-NGARUNG 21:12

Nappallebbangenni mennang kuwammengngi nappuwasa ra'ya'é. Nainappa nasuro tauwé maddeppungeng sibawa Nabot riwéréng onrong iya malebbié.

1 ARUNG-NGARUNG 21:9

Iyanaé lise'na iyaro sure'é, “Appallebbangengngi kuwammengngi nappuwasa ra'ya'é sibawa suroi mennang maddeppungeng! Ri laleng addeppungengngéro wéréngngi Nabot onrong tudangeng iya malebbi'é.

1 TAWARIKH 27:33

Ahitofel iyanaritu pappangaja arungngé sibawa Husai tau Arkié, iyanaritu pappangaja sibawa sellao maréppé'na arungngé.

MAZMUR 41:10

Mala sellao maréppé'na iya kaminang uwatepperiyé, tau iya sisamaékka manré, pura pakatunaka.

MAZMUR 41:9

Adanna mennang, “Maladde senna lasana, dé' nakkullé moto'na.”

AMSAL 15:8

Natarimai Puwangnge sempajanna tau makessingngé, iyakiya nacéccéi pakkasuwiyanna tau majaé.

AMSAL 21:27

Dé' namasennang Puwangnge sibawa pakkasuwiyanna tau madorakaé, lebbi-lebbiwi rékko riyakkasuwiyangengngi sibawa akkatta iya majaé.

YEREMIA 6:20

Untu' aga kamennyangngé iya natiwirengngék-Ka mennang polé ri Syéba, iyaré'ga rampa-rampa polé ri wanuwa mabélaé? Dé' Umaélo tarimai pakkasuwiyanna mennang. Dé' Upojiwi akkarobangeng-akkarobangeng ritununna mennang.

ABBILANGENG 23:1

Adanna Biléam lao ri Balak, “Patettongekka ri onrongngéwé pitu mézba, sibawa passadiyai kuwaé pitu kajunna saping lai sibawa pitu kajunna bimbala lai.”

ABBILANGENG 23:14

Naritiwina Biléam ri Balak lao ri padang Zofim, ri coppo'na Bulu Pisga. Patettong toni kuwaro pitu mézba sibawa makkasuwiyang sikaju saping lai sibawa sikaju bimbala lai ri yasé'na tungke'-tungke' mézbaéro.

ABBILANGENG 23:30

Napogau'ni Balak pada-pada iya napowadaé Biléam. Makkarobangenni sikaju saping lai sibawa sikaju bimbala lai ri yasé'na tungke' mézbaéro.

YOHANES 13:18

Aga iya Upowadaéwé tenniya iko maneng nakenna. Uwisseng niga-niga iya puraé Upilé. Iyakiya aga iya tarokié ri laleng Kitta'é, harusu'i kajajiyang, iyanaritu ‘Tau iya sisamaék-Ka manré, naéwa-Ka matu.’

TITUS 1:16

Makkedai mennang makkedaé naissengngi mennang Allataala, padahal pangkaukenna mennang massakkarengngi. Mappakaciddi-ciddi mennang sibawa dé' namaélo turu'; mennang iyanaritu sining tau iya dé'é naulléi pogau'i séuwa iya makessingngé.