2 SAMUEL 15:1 - KITTA KAREBA MADECENG

¹ Purairo napassadiyangenni aléna Absalom séddi karéta musu sibawa anyaranna enrengngé limappulo tau pattinro.

2 SAMUEL 15:1 ပူးပေါင်းရင်းမြစ်များ

2 SAMUEL 12:11

Mattanro-Ka maélo patakkennai abalaé lao ri iko iya polé ri kaluwargamu muto. Uwalai matu sining bainému ri yolona matammu nauwéréngngi tau laingngé iya matinroé matu silaong mennang ri lakessoé.

1 ARUNG-NGARUNG 1:33

makkedani arungngé lao ri mennang, “Obbini sining parawiraku namulao sibawa mennang ri Salomo ana' worowanéku. Paénré'i ri bagalku, namutiwii ri mata uwai Gihon.

1 ARUNG-NGARUNG 1:5

Nasaba maténi Absalom, na Adonia, ana' worowanéna Daud iya maduwaé mancaji pommacowa. Asenna indo'na iyanaritu Hagit. Adonia iyanaritu tau magello. Dé' naengka nariyacairi ri ambo'na narékko pasalai. Macinna senna'i Adonia mancaji arung, nanapassadiyangenni aléna sijumella karéta musu sibawa tentara makkinnyarang enrengngé limappulo pengawal paribadi.

MAZMUR 20:7

Uwissenni makkekkuwangngé makkedaé Puwangnge mabbéré apakalang lao ri arung napilé-Na. Puwangnge baliwi polé ri suruga-Na iya mapaccingngé; nasaba akuwasanna Puwangnge lolongengngi apakalang battowa.

AMSAL 11:2

Tau matempoé ripakatunai matu; tau iya pakariyawaéngngi atinna iyanaritu mapanréi.

AMSAL 16:18

Atempongngé nassabariwi ancurukeng; abangkakengngé nassabariwi aruttungeng.

AMSAL 17:19

Tau iya pojiyéngngi dosaé, napoji massasa. Tau iya malowangngé bawana, sappai ancurukeng.

ULANGENG 17:16

Dé' nawedding arungngé mappunnai maéga anyarang untu' tentarana sibawa dé' nawedding nasuro bangsaéwé lisu ri Maséré untu' melli anyarang, nasaba purai makkeda Puwangnge makkedaé dé' nawedding lisu umma'-Na ri wanuwaéro.

1 SAMUEL 8:11

“Mappakkuwiyé matti arummu gaukekko,” mappakkuwaniro Samuél pakatajangngi. “Napassai matu ana'-ana'mu muttama tentara; sibagiyang polé ri mennang selaku pasukang makkaréta, sibagiyang selaku pasukang makkinnyarang, na laingngé selaku pasukang mallaleng.