2 SAMUEL 12:25 - KITTA KAREBA MADECENG

²⁵ sibawa suroi Nabi Natan masengngi iyaro ana'é Yédija, nasaba Puwangnge mamaséiwi.

2 SAMUEL 12:25 ပူးပေါင်းရင်းမြစ်များ

2 SAMUEL 12:24

Nanasaléworini Daud atinna Batsyéba bainéna, nainappa siléwureng. Jajiyanni Batsyéba séddi ana' worowané iya riyasengngé Salomo ri Daud. Puwangnge mamaséiwi iyaro ana'é

2 SAMUEL 12:26

Iyaro wettué mammusu mupi Yoab méwai Raba ibukotana wanuwa Amon, sibawa mawé'ni nasittai.

2 SAMUEL 7:4

Iyakiya iyaro wennié makkedai Puwangnge lao ri Natan,

1 ARUNG-NGARUNG 1:11

Nalaona Nabi Natan sitangngi Batsyéba, indo'na Salomo, namakkeda lao ri aléna, “Dé'paga naéngkalingai Ratu makkedaé Adonia, ana' worowanéna Hagit, pura makkai aléna mancaji arung, na Arung Daud dé' aga-aga naisseng passalenna gau'éro?

1 ARUNG-NGARUNG 1:23

Naripaissengina arungngé passalenna apolénna Natan. Massuni Batsyéba, nauttama Natan, nanasuju' ri yolona arungngé.

1 ARUNG-NGARUNG 1:8

Iyakiya Imang Zadok, Bénaya ana' Yoyada, Nabi Natan, Siméi, Réi sibawa pengawal paribadinna Arung Daud dé' naccowé lao ri Adonia.

1 TAWARIKH 22:9

Namuni makkuwaro, pura-Ka nawéréng janciéwé: ‘Lolongekko matu séddi ana' worowané iya mapparéntaé matu sibawa amang, saba' maélo-Ka tulungngi angkanna dé'gaga bali iya musuéngngi. Riyasengngi matu Salomo, saba' sipongenna mapparénta, maélo-Ka mpéréngngi atennangeng sibawa amang ri sininna Israélié.

1 TAWARIKH 3:5

na maéga ana' worowanéna jaji kuwaro. Nasibawang bainéna iya riyasengngé Batsyéba ana' Amiél, lolongengngi Daud eppa ana' worowané iya jajiyé ri Yérusalém: Siméa, Sobab, Natan sibawa Salomo.

NEHEMIA 13:26

Adakku, “Tenniyaga iyato dosaéwé napogau' Arung Salomo? Dé'gaga arung ri linoéwé iya lebbi battowaé naiya aléna. Riyamaséiwi ri Allataala sibawa pancajiwi arung ri sininna Israélié. Namuni makkuwaro purani ripalécé risining makkunrai bangsa laingngé untu' pogau' dosa.

MATIUS 17:5

Ri wettu mabbicarana mupa Pétrus, ellung iya macakka senna'é salipuriwi mennang, na polé ri ellungngéro, naéngkalingai saddaé makkeda, “Iyanaé Ana'-Ku iya Uwamaséiyé. Napésennangiwi atik-Ku. Engkalingai Aléna!”

MATIUS 3:17

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”

ULANGENG 33:12

Passalenna suku Bényamin makkedai: “Iyanaé suku iya namaséiyé Puwangnge. Nalinrungiwi mennang esso wenni sibawa monro ri yelle'na mennang.”