2 SAMUEL 12:11 - KITTA KAREBA MADECENG

¹¹ Mattanro-Ka maélo patakkennai abalaé lao ri iko iya polé ri kaluwargamu muto. Uwalai matu sining bainému ri yolona matammu nauwéréngngi tau laingngé iya matinroé matu silaong mennang ri lakessoé.

2 SAMUEL 12:11 ပူးပေါင်းရင်းမြစ်များ

2 SAMUEL 15:10

Iyakiya ri yolonaro pura mémenni kiring sining suro lao ri sininna suku Israélié sibawa tiwi paseng, “Rékko muwéngkalingai oni tarompé'é, gorano, ‘Mancaji arunni Absalom ri Hébron!’ ”

2 SAMUEL 15:14

Nanakkedana Daud lao ri sininna pegawénna iya engkaé ri Yérusalém, “Laono mai tamanyingkiri. Iyaé bawang laleng kuwammengngi taleppe polé ri Absalom. Dé'na namaitta napolé. Asitta'no, aja' narapii lellukki sibawa nacauki, angkanna sininna pabbanuwana kotaé naunoi!”

2 SAMUEL 15:6

Makkuwaniro kédona Absalom lao ri tungke' tau Israélié iya maéloé mapparapekengngi parakarana lao ri arungngé, nanallalengiwi nalani Absalom atinna tau Israélié.

2 SAMUEL 16:11

Namakkeda paimeng Daud lao ri Abisai sibawa lao ri sininna atanna, “Ana' riyaléku paimeng makkuraga maélo mpunoka; magi muhérang mitai kédona tau Bényamingngéwé? Puwangnge ritu suroi tanroika; rimakkuwannanaro aja' muwagagai sibawa leppessangi siya patanroi.

AYUB 31:10

leppessanni bainéku nannasungeng tau laingngé; leppessanni ri ranjanna worowané laingngé léwu.

YEHEZKIEL 14:9

Rékko séddié nabi purani ribengnguwang angkanna mabbéré pappébali iya salaé, Iyya ritu pura belléi. Iyya, Puwang Allataala Iya Pommatanré passalai matu polé risining tau Israélié.

ULANGENG 17:17

Dé' nawedding arungngé mappunnai maéga bainé, kuwammengngi aja' nabbokoriwi Puwangnge. Dé'to nawedding passugii aléna sibawa péra' enrengngé ulaweng.

ULANGENG 28:30

Rékko dé' muturusiwi Puwang Allataalamu, iyaé gau'é nakennai matu alému: Mattunangakko matu, iyakiya tau laingngé kawingiwi tunangammu. Patettokko matu bola, iyakiya dé' muwonroiwi. Mutanengiwi matu palla anggoro'é iyakiya dé' muwanréi buwa-buwana.