2 SAMUEL 11:16 - KITTA KAREBA MADECENG

¹⁶ Na wettunna Yoab keppungngi iyaro kotaé, nasuroni Uria lao ri onrong iya naissengngé najagai senna balié.

2 SAMUEL 11:16 ပူးပေါင်းရင်းမြစ်များ

2 SAMUEL 11:15

Okina, “Taroi Uria ri jori mariyoloé, kégi kaminang masero musué, nainappa soroko tennaissengngi kuwammengngi namaté.”

2 SAMUEL 11:17

Wettunna massu tentara balié polé ri kotaé sibawa gasai pasukanna Yoab, siyagangngaré tau parawirana Daud riyuno, muttama'ni Uria.

2 SAMUEL 11:21

Muwallupainiga pékkugi Abimélékh ana' Gidéonro riyuno ri Tébes? Dé'ga namaté nasaba séddi makkunrai maggenrungeng batu allélureng labbu polé ri yasé'na témbo'é lao ri aléna? Jaji, mangi muwaddéppé makkuwa ri témbo'éro?’ Rékko makkutana makkuwairo Datu, powadanni, ‘Uria parawirana Datu, maté towi!’ ”

2 SAMUEL 3:27

Lettu'na muwa Abnér ri Hébron, riérani ri Yoab libenréng, ri seddéna pintu gerbangngé, samanna maéloi mabbicara séuwa iya rahasiyaé. Tappa nagajang muni Yoab babuwana Abnér gangka maté. Makkuwaniro Abnér maté riyuno ri Yoab untu' mpale'i abbunowanna lao ri Asaél anrinna.

1 ARUNG-NGARUNG 2:5

Engka mupa séddi passaleng! Pasti muwéngngerang aga pura napogau' Yoab lao ri iyya sibawa mpunoi iya duwa parawirana Israélié, iyanaritu Abnér ana' Nér sibawa Amasa ana' Yéter. Naunoi mennang ri wettu damé untu' mpale'i abbunowang iya napogau'é mennang ri wettu musué. Naunoi tau iya dé'é napasala iyakiya makkekkuwangngé iyya ritu harusu tanggungngi pangkaukenna sibawa iyya'na ritu manrasa-rasa.

2 ARUNG-NGARUNG 10:6

Nanakirissi sure' Yéhu lao ri mennang, oninna, “Rékko muwaccowérika, nenniya sadiya turusiwi sining paréntaku, unoi iyaro ana' eppona Ahab, na baja ri wettu pada-padaéwé tiwii sining ulunna mennang lao ri iyya ri Yizreel.” Iya pituppuloro ana' eppona Arung Ahab monroi ri sining tomariyolona masaraka'é ri kota Samaria, sibawa ripiyara ri mennang.

AMSAL 29:12

Rékko najampangiwi panguwasaé karéba bellé, mancaji maja manengngi matu pegawénna.

HOSEA 5:11

Ritenre'i Israélié; ateddéngengngi ha'na tanana, nasaba mattedde'i untu' méllau tulung lao ri iya sitongennaé dé' naulléi tulungngi.

RIWAYA'NA RASUL-RASUL-E 5:29

Nappébali Pétrus sibawa rasul-rasul laingngé, “Harusu'ki turusiwi Allataala, tenniya turusiwi tolinoé.