2 SAMUEL 10:18 - KITTA KAREBA MADECENG

¹⁸ Iyakiya tau Israélié pasoroi tentara Siriaé. Daud sibawa pasukanna mpunoi 700 tau pappalari karétana balié, sibawa 40.000 tentara makkinnyarang; ri lainnaéro Sobakh pallimana tentara balié masero lona angkanna maté ri ammusurengngé.

2 SAMUEL 10:18 ပူးပေါင်းရင်းမြစ်များ

2 SAMUEL 10:17

Naéngkalingana gau'éro, napaddeppungenni Daud masitta sininna pasukang Israélié, nainappa malléttoiwi Salo Yordan, namaju lao ri Hélam. Kuwaniro tau Siriaé matoro'i barisi'na nainappa gasai pasukanna Daud.

2 SAMUEL 8:4

Natawanni Daud 1.700 tau tentara makkinnyaranna sibawa 20.000 tau tentara mallalenna. Naképoni sininna anyarangngé, sangadinna sibagiyang, genne untu' seratu karéta musu.

1 ARUNG-NGARUNG 11:24

Engka naengka nacaui Arung Daud iyaé Hadadézer sibawa mpunoi sellao-sellaona Hadadézer polé ri Siria. Iyaro wettué lariwi Rézon polé ri Hadadézer sibawa paddeppungengngi sining tauwé nainappa mancaji kapala garembolang. Laoni aléna sibawa ana' buwana ri Damsyik nainappa monro ri kotaéro. Kuwaniro ana' buwana makkai mancaji arung Siria.

1 TAWARIKH 19:18

naripasorona tentara Siriaé ri tentara Israélié. Daud sibawa pasukanna mpunoi 7.000 tau pappalari karéta musu sibawa 40.000 tau tentara mallaleng. Nauno towi Sobakh pallimana Siriaro.

MAZMUR 18:38

Ulellungngi balikku sibawa ucaui mennang, nenniya pémmali soro narapi mennang cappu.

MAZMUR 46:11

Adan-Na, “Appésauno mammusu; issenni, Iyya'naé Allataala, maraja-Ka ri yellle'na bangsa-bangsaé, maraja-Ka ri sininna linoé.”

MAZMUR 68:2

Tokkongngi Allataala patassiyasiyai balin-Na, tau iya céccééngngi Aléna lariwi polé ri yolo-Na.

HAKING-HAKING 4:2

Narileppessanna mennang ricau ri Yabin, arung Kanaan iya malaé tudangeng ri kota Hazor. Pallima tentarana iyanaritu Siséra iya monroé ri Harosét-Hagoyim.

HAKING-HAKING 4:22

Wettunna polé Barak sappai Siséra, riduppaini Barak ri Yaél sibawa makkeda, “Laono mai, maéloka paitakko tau iya musappaéro.” Muttama'ni Barak silaong Yaél, nanaitai Siséra maténi, lénne ri tanaé sibawa patto kéma maddince ri laleng palippina.

HAKING-HAKING 5:26

Nasibawang patto nenniya palu-palu ri limanna naunrui Yaél Siséra gangka ancuru ulunna.