2 SAMUEL 10:16 - KITTA KAREBA MADECENG

¹⁶ Nainappa Arung Hadadezér massuro mobbii tau Siriaé iya engkaé ri seddé alauna Salo Efrat, napoléna mennang ri Hélam napimping Sobakh, pallima tentarana Arung Hadadézer polé ri Zoba.

2 SAMUEL 10:16 ပူးပေါင်းရင်းမြစ်များ

2 SAMUEL 10:15

Namaingekini tau Siriaé makkedaé ricauni mennang ri tau Israélié, rimakkuwannanaro naobbini sininna pasukanna kuwammengngi naddeppungeng paimessi.

2 SAMUEL 10:17

Naéngkalingana gau'éro, napaddeppungenni Daud masitta sininna pasukang Israélié, nainappa malléttoiwi Salo Yordan, namaju lao ri Hélam. Kuwaniro tau Siriaé matoro'i barisi'na nainappa gasai pasukanna Daud.

1 ARUNG-NGARUNG 11:23

Naébbu towi Allataala Rézon, ana'na Elyada, musui Salomo. Rézon iyanaritu ata iya lariyé polé ri puwanna iyanaritu Arung Hadadézer polé ri Zoba.

1 TAWARIKH 18:3

Nainappa Daud caui Hadadézer, arungngé ri Zoba seddéna daéra Hamat ri wanuwa Siria. Iyaro wettué Hadadézer mattengngangngi ri laleng allalengengngé untu' makuwasaiwi daéra seddéna ulunna Salo Efrat.

1 TAWARIKH 18:5

Kirinni tentara tau Siriaé polé ri Damsyik untu' tulungngi Arung Hadadézer, iyakiya Daud caui mennang sibawa mpunoi 22.000 tau.

1 TAWARIKH 19:16

Namaingekini tau Siriaé makkedaé ricaui ri tau Israélié. Nanaobbini tentarana iya polé ri daéra seddé alauna Salo Efrat nanasuroi iyaro tentarana mammusu ri yawa pappimpinna Sobakh pallima tentarana Hadadézer arung Zoba.