2 SAMUEL 1:8 - KITTA KAREBA MADECENG

⁸ Makkutanani niga atatta, nanappaissengenni atatta makkedaé atattaé tau Amalé'.

2 SAMUEL 1:8 ပူးပေါင်းရင်းမြစ်များ

KAJAJIYANG 14:7

Purairo balé'si sining pallellungngé nanalisu ri En-Mispat iya makkekkuwangngé riyaseng Kadés. Nacaui mennang sininna daérana Amalé'é enrengngé nacaui tau Amorié iya monroé ri Hazéon-Tamar.

2 SAMUEL 1:13

Nainappa makkutana Daud ri kallolo iya tiwiéngngi karébaéro, “Polé kégi assalemmu?” Pappébalinna, “Atattaé tau Amalé', séddiwi topolé-polé ri wanuwanna Puwakku.”

2 SAMUEL 1:7

Gilinni Saul limonri, nanaitai atatta, nanaobbii atatta, namappébali atatta, ‘Iyyé Puwakku.’

2 SAMUEL 1:9

Namakkeda lao ri atatta, ‘Laono mai, namuwunoka! Malo ladde'ka, sibawa mawé'na maté.’

ABBILANGENG 24:20

Nainappa ri laleng pappaitaéro naitai Biléam sining tau Amalé'é. Nanapowadani iyaé botoé, “Polé risininna bangsaé ri linoé, Amalé' kaminang makuwasa. Iyakiya iyaro bangsaé paccappurenna, lennye towi matu untu' mannennungeng.”

1 SAMUEL 15:3

Jaji, laono sibawa gasai tau Amalé'é sibawa mancuru'i sininna appunnangenna. Aja' mutaroi muwi séuwa aga; unoi sininna tau worowané, makkunraié, ana'-ana'é sibawa ana'loloé; makkuwatoro sapingngé, bimbala'é, untaé sibawa kaleddé'é.”

1 SAMUEL 27:8

Mappammulai wettuéro Daud sibawa ana' buwana biyasai gasai tau Gésur-é, tau Girzié, sibawa tau Amalé'é, iyaro bangsa-bangsaé maittani monro ri daéraéro. Maggasai lao ri tanaéro sibbéla Sur, sibawa matteru lao ri Maséré.

1 SAMUEL 30:1

Duwangngesso rimunrinna, Daud sibawa ana' buwana lisuni ri kota Ziklag. Wettunna lettu kuwaro, napoléini mennang makkedaé purai nagasa tau Amalé'é bagiyang yattanna wanuwa Yéhuda sibawa gasai Ziklag. Dé' mennang naunoi muwi séddi tau. Iyakiya natunui gangka cappu kotaéro nainappa napatteru joppana mennang sibawa tiwii sining makkunraié, ana'-ana'é sibawa pabbanuwa laingngé. Natawang toni mennang kaluwargana Daud sibawa kaluwargana ana' buwana, muttama'ni iya duwa bainéna Daud, Ahinoam sibawa Abigail. Makkuwamani sarana Daud sibawa ana' buwana, angkanna mammulani mennang teri dé' nappésau-pésau angkanna lappé.

1 SAMUEL 30:13

Nainappa makkutana Daud lao ri aléna, “Niga puwammu, sibawa polé kégako?” Nappebali iyaro ana'é, “Tau Maséré'ka, atanna séddié tau Amalé'. Nasalaika puwakku tellungngesso labe'é saba' malasaka.

1 SAMUEL 30:17

Wettunna mompo essoé pappa bajana, riluruini mennang ri Daud, nammusuna narapi wenni. Rilaénnaé eppa datu kallolo iya lariyé sibawa tonangi unta, dé' muwi séddi bali iya mullééngngi leppe.