2 SAMUEL 1:23 - KITTA KAREBA MADECENG

²³ Saul sibawa Yonatan, makkuwamani bessana sibawa riyamaséi; tuli masséddiwi ri laleng atuwongngé sibawa amaténgngé; lebbi masitta'i mennang naiya kuwajangngé, lebbi mawatangngi naiya singa loloé.

2 SAMUEL 1:23 ပူးပေါင်းရင်းမြစ်များ

2 SAMUEL 1:24

Eh, makkunrai Israélié, watingini Saul, arungngé! Iya pappakéiyékko waju cella iya masulié, sibawa bélo-béloiko sibawa ulaweng paramata iya magelloé.

2 SAMUEL 2:18

Iya tellu ana'na Zéruya engkai kuwaro, iyanaritu Yoab, Abisai sibawa Asaél. Larinna Asaél magatti pada-pada jongaé,

2 SAMUEL 23:20

Séddi tau parawira iya tarompoé laingngé iyanaritu Bénaya ana' Yoyada tau Kabzeel. Barani senna'i. Duwa pahlawang battowa polé ri Moab pura nauno. Engka naengka riséuwaé esso massalju, muttama'i ri laleng séddié kalebbong, nanaunoi séddié singa kuwaro.

1 TAWARIKH 12:8

Wettunna Daud engka ri onrong mabbénténgngé ri padang kessi'é, maéga pajuwang tassebbo sibawa mappangalamang polé ri suku Gad lao masséddi sibawa aléna. Mennang iyanaritu sining pajuwang iya macca senna'é paké kaliyawo sibawa bessi; paitai mennang barani-barani pada-pada singaé sibawa kédona mennang mapecci pada-pada jongaé.

AYUB 9:26

Pada-pada lopi tajolloé, laloi atuwokku sibawa masitta, siggatti bokangngé tajjollo, séro'i anréna.

AMSAL 30:30

Singaé, olokolo kaminang mawatangngé ri yelle'na sininna olokolo'é sibawa dé' namétau muwi lao ri agi-agi;

ELONG MARAJA 5:16

Macenning senna warékkadanna, sininna séuwa-séuwaé ri aléna pataré. Makkuwaniro canrikku sibawa sahaba'ku, éh ana'-ana'dara Yérusalém!

YEREMIA 4:13

Itai, mompoi balié pada-pada ellungngé. Karéta-karéta musuna pada-padai anginrajaé, sining anyaranna lebbi magattii naiya kuwajangngé. Wah, cilakani! Cappuki!

AWATINGENG 4:19

Masitta senna sining pallellutta mabélai lebbi gatti naiya kuwajangngé. Nalellukki mennang ri bulué, sibawa madakki ri padang kessi'é.

ULANGENG 28:49

Séuwa bangsa iya dé'é mupahangngi basana maélo napapolé Puwangnge polé ri cappa linoé untu' méwako. Pada-pada kuwajangngé naséro'ko matu mennang.

HAKING-HAKING 14:18

Jaji, ri esso iya mapitué ri wettu dé'napa nalabu essoé, makkedani iyaro sining tauwé lao ri Simson, “Aga iya lebbi macenningngé naiya cani'é? Sibawa aga topa iya lebbi mawatangngé naiya singaé?” Nappébali Simson, “Rékko dé' mupakéi bainéku, dé' muwulléi teppui iyaro patteppungngé!”

1 SAMUEL 18:1

Puranana Saul sibawa Daud mabbicara-bicara, riyakkani Daud mancaji pegawénna sibawa mappammulai wettuéro dé'na naripalalo lisu ri bolana tomatowanna. Yonatan ana' worowanéna Saul, naéngkalingani assipabbicarangngéro. Tattaré toni ri Daud, sibawa mamaséiwi pada-pada aléna muto.

1 SAMUEL 20:2

Nappébali Yonatan, “Aja' muwakkeda makkuwaro! Nasabbing Puwangnge, dé' nariyunoko matu. Tuli napowadakka ambo'ku sininna rancanana, muwi iya pentingngé, iyare'ga dé'é. Jaji dé' nakkullé narahasiyakang iyaro akkattana lao ri iyya. Rimakkuwannanaro, aga iya mupowadaéro dé' natongeng!”