2 SAMUEL 1:20 - KITTA KAREBA MADECENG

²⁰ Tennapodo sining tau Gat-é dé' naéngkalingai iyaro karébaé. Tennapodo lorong-loronna Askélon dé' nalolongeng karéba passalennaro. Aja' narapii makkunrai Filistingngé gora-gora aja' narapii makkunrai kapéré'é kelli-kelli marowa.

2 SAMUEL 1:20 ပူးပေါင်းရင်းမြစ်များ

YEHEZKIEL 16:27

Makkekkuwangngé tinda'-Ka untu' hukkukko sibawa malai barakka iya puraé Uwérékko. Uwabbéréyakko lao risining tau Filistin iya céccéékko sibawa maciddi'é mitai ampému iya macarépaéro.

YEHEZKIEL 16:57

sibawa dé'napa napaisseng jamu? Makkekkuwangngé pada muko sibawa aléna; mancajiko addicawanna tau Edongngé, tau Filistingngé sibawa bali-balibolamu laingngé iya céccéékko.

MIKHA 1:10

Aja' muwappaissengengngi lao risining balitta ri Gat passalenna abalata; aja' muleppessangngi mennang mitako teri. Eh pabbanuwana Bét-Lé-Afra, aggaléluno ri laleng awué selaku tanrang pettu paddennuwang!

HAKING-HAKING 11:34

Wettunna lisu Yéfta polé ri Mizpa, poléni ana' makkunrainna duppaiwi sibawa séré-séré nanatetté towi rabanaé. Iyanaro ana'na séddi-séddié.

HAKING-HAKING 14:19

Tappa mawatanni Simson polé ri akuwasanna Puwangnge, nainappa lao ri Askélon. Kuwaniro mpuno telluppulo tau worowané iya mappaké magelloé. Nalai pakéyanna mennanro nanawéréngngi iya telluppulo tau iya puraé teppui iyaro patteppunna. Purairo, lisuni ri bolana sibawa ati iya masumpe'é.

1 SAMUEL 14:6

Namakkedana Yonatan lao ri kalloloéro, “Laono mai talao ri posna tau Filistin kapéré'éro. Ajakké maéloi Puwangnge tulukki. Saba' naullé Puwangnge mabbéré apakalang, muwi sibawa maéga tau iyaré'ga céddé tau.”

1 SAMUEL 17:26

Namakkeda Daud, “Barani tongeng tau Filisting kapéré'éro méwai tentarana Allataala iya tuwoé!” Nainappa makkutana ri sala séddié prajuri, “Aga riwéréngngi matu tau iya weddingngé mpunoi tau Filistingngéro sibawa leddai appakatunangngé polé ri Israélié?”

1 SAMUEL 17:36

Purani atatta mpuno singa sibawa beruang, na tau Filistin kapéré'éro pada-pada towi matu olokolo'éro, nasaba baraniwi pakatunawi tentara polé ri Allataala iya tuwoé.

1 SAMUEL 18:6

Wettunna Daud lisu puranana nacau Goliat tau Filistingngéro, sibawa sining prajuri'é mabbarisi muttama ri laleng kota, massuni sining makkunraié polé ri sininna kotaé ri Israél untu' duppaiwi Arung Saul. Makkélonni mennang élokkélong marennu, nenniya séré-séré sibawa macculéyang rabana sibawa kacapi.

1 SAMUEL 31:4

Namakkeda Saul lao ri kallolo iya tiwiéngngi senjatana, “Rampui peddammu namugajakka, kuwammengngi aja' nariyacculé-culéika sibawa riyunu risining tau iya temmissengngéngngi Puwang-ngéro.” Iyakiya iyaro kalloloé dé' namaélo gajangngi, nasaba napakalebbi senna'i. Rimakkuwannanaro nalani Saul peddanna nanaparebbai aléna ri yasé'na mata peddannaro.

1 SAMUEL 6:17

Nanallalengiro napura tau Filistingngé kiring lao ri Puwangnge pakkasuwiyang pakkamaja dosa untu' pabbanuwana iya lima kota naparéntaé iya lima arung Filistingngé. Iyaro kota-kotaé iyanaritu: Asdod, Gaza, Askélon, Gat sibawa Ekron. Ri yelle'na engka iya mabbénténgngé, engka dé'. Tungke' iyaro kotaé makkiringngi séddi lettang ulaweng sibawa séddi balawo ulaweng. Buttinna polé ri kajajiyangngéro iyanaritu batu loppo onronna mennang paléssoi Petti Assijancinna Puwangnge. Lettu essoéwé iyaro batué engka mupi ri dare'na Yosua, tau Bét-Sémes-éro.