1 TIMOTIUS 4:3 - KITTA KAREBA MADECENG

³ Napaggurui mennang tauwé dé' nakawing sibawa dé' nanré inanré mattentué. Padahal iyaro inanré napancajiwi Allataala untu' riyanré sibawa mattarima kasi lao ri Allataala untu' riyanré sibawa mattarima kasi lao ri Allataala polé risining tau iya mateppe'énna ri Kristus sibawa missengngénni pappagguruwang tongengngé iya polé ri Allataala.

1 TIMOTIUS 4:3 ပူးပေါင်းရင်းမြစ်များ

KAJAJIYANG 9:3

Iya manennaro weddingngi mancaji inanrému, pada-padato tanet-taneng manyilaé; iya manennaro Uwérékko untu' mancaji inanrému.

PAKKATOBBA 5:18

Rékko séddié tau tarima asugireng sibawa waramparang polé ri Allataala, naripalalo péneddingiwi asugirengngéro, harusu'i marasa sukkuru sibawa péneddingiwi sininna wassélé jama-jamanna. Iyaro pabbérénato Allataala.

DANIEL 11:37

Iyaro arungngé dé' matu najampangiwi muwi déwata niga iya nasompaé néné-nénéna, muttama'ni déwata nasompaé sining makkunraié. Dé' napaduliwi iyaro déwata-déwataé nasaba naangga'i aléna lebbi battowa naiya mennang.

MATIUS 14:19

Nainappa Nasuro iyaro tau maégaé tudang ri tompo'na wellaé. Purairo nalani iyaro roti limaé sibawa balé duwaé, nainappa conga ménré ri langié nanasukkuru ri Allataala. Purairo napuwé'-puwé'ni iyaro rotié sibawa liman-Na na-Nawéréngngi ana'-ana' gurun-Na untu' nabagé-bagé lao ri tau maégaé.

MATIUS 15:11

Iya muttama'é ri temué dé' napanajisi'i tauwé'; iya bawang massué polé ri témunna, iyanaritu mébbui tauwé najisi'.”

MATIUS 15:36

Nainappa nala iyaro pitué roti sibawa balé, nanasukkuru ri Allataala. Purairo napuwé'-puwé'ni iyaro rotié enrengngé balé sibawa liman-Na, nainappa Nawéréng ana'-ana' gurun-Na. Nanabbagé-bagéyanni mennang lao ri tau maégaéro.

LUKAS 24:30

Ri wettu tudanna mennang manré, malani Yésus roti, Nasukkuru' ri Allataala, nainappa Napuwé-puwé iyaro rotié, na-Nawéréngngi lao ri mennang.

YOHANES 6:23

Nasiyagangngaré lopi polé ri Tibérias lettu sibawa mallabu ri seddéna onronna tau maégaéro manré roti puranana Puwangngé méllau sukkuru'.

RIWAYA'NA RASUL-RASUL-E 27:35

Purana makkeda makkuwaro malani roti Paulus nainappa mattarima kasi ri Puwangngé ri yolona maneng mennang. Nainappa nabagé-bagé iyaro rotié, nananréi.

ROMA 14:17

Saba' rékko Allataala paréntai atuwonna rupa tauwé, aga iya weddingngé naanré iyaré'ga naénung rupa tauwé, iyaro dé'na napenting. Iya pentingngé iyanaritu makkedaé rupa tauwé turusiwi élona Allataala, napéneddingiwi atennangeng atié sibawa tarimai ariyo-riyong iya nabbéréyangngé Rohna Allataala.

ROMA 14:3

Tau iya manrééngngi agi-agi aja' naangga' mariyawai tau iya manrééngngi banna anrékanré mattentué bawang, aja'to napasalai tau iya manrééngngi sini-sininnaé, saba' Allataala pura tarimai.

ROMA 14:6

Tau iya pentingkangngéngngi esso-esso mattentué, iyaro tauwé napogau'i makkuwaéro untu' pakalebbii Puwangngé. Tau iya manrééngngi sini-sininnaé, napogau'i makkuwaro untu' pakalebbii Puwangngé, nasaba sukkuru'i lao ri Allataala nasaba iyaro naanré. Makkuwatoro sibawa tau iya manrééngngi banna anrékanré mattentué bawang; iyaro tauwé napakalebbi towi Puwangngé sibawa sukkuru' lao ri Allataala.

1 KORINTUS 6:13

Engkato powadai makkedaé nanré iyanaritu untu' babuwaé, na babuwaé ripassadiyai untu' nanré. Iyakiya iya duwa ripaddéi matu ri Allataala. Tubunna tolinoé dé' nawedding ripaké untu' pangkaukeng iya mappangaddié, iyakiya banna untu' tumaningiwi Puwangngé. Na Puwangngé piyarai matu iyaro tauwé.

1 KORINTUS 7:28

Iyakiya rékko kawingngi Saudara, iyaro tenniya dosa. Makkuwatoro rékko séddié ana'dara kawing, tenniyai bettuwanna madosai. Banna mennang iya kawingngéro moloiwi matu maéga asussang. Macinnaka kuwammengngi Saudara ripabélai polé risining asussangngéro.

1 KORINTUS 8:8

Sitongenna iyaro anrékanré dé' naébbui assisumpungetta sibawa Allataala mancaji lebbi madécéng. Rékko riyanréi iyaro anrékanré, dé' gaga asarong rilolongeng. Sibalé'na rékko dé' tanréi iyaro anrékanré, dé'to tarogi aga-aga.

KOLOSE 2:16

Rimakkuwannanaro aja' muleppessangngi tauwé passaloko passalenna anré iyaré'ga énungengngé, iyaré'ga passalenna esso-esso marajana agamaé, iyaré'ga ramé-ramé uleng barué, iyaré'to passalenna Esso Saba'é.

KOLOSE 3:17

Sininna aga iya mupogau'é iyaré'ga mupowadaé, harusu'i iyaro ripogau' sibawa ripowada untu' asenna Puwang Yésus. Sukkuru' lao ri Allataala Ambo'é untu' aga iya napogau'é Yésus lao ri iko.

1 TIMOTIUS 2:4

Maéloi kuwammengngi sininna tauwé ripassalama'i sibawa naissengngi iya tongengngé.

1 TIMOTIUS 4:4

Sininna séuwa-séuwaé iya napancajiyé Allataalaro makessing, nadé' muwi séddi iya harusu'é riyangga' harang rékko purani ritarima sibawa mattarima kasi lao ri Allataala.

1 TIMOTIUS 5:14

Iyanaro saba'na naumaélo kuwammengngi nakawing paimeng janda maloloé mupa, lolongeng ana' sibawa murusu'i ruma tanggana, kuwammengngi dé' nalolongeng kasempatang sining balitta untu' kebbongiwi asetta.

IBRANI 13:4

Sininna tauwé harusu'i mappaitangngi kédo-kédo mappakalebbié lao ri akawingengngé, iyanaro saba'na sitinajai lakkaié sibawa bainé matinulu séddié lao ri laingngé. Tau iya mappangaddié sibawa tau iya malawengngé ri adélékiwi matu ri Allataala.

IBRANI 13:9

Aja' muleppessangngi sininna rupanna pappagguruwang makalallaingngé iya papusaékko. Harusu'i ripéwatangi atitta ri akessingeng atinna Allataala, iyanaro makessing; aja' napolé risining peraturangngé passalenna inanré. Sining tau iya matinuluriyéngngi riyolo sining peraturangngéro dé' nalolongengngi appalanna.