1 TIMOTIUS 2:4 - KITTA KAREBA MADECENG

⁴ Maéloi kuwammengngi sininna tauwé ripassalama'i sibawa naissengngi iya tongengngé.

1 TIMOTIUS 2:4 ပူးပေါင်းရင်းမြစ်များ

YESAYA 45:22

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YESAYA 53:11

Rimakkuwannanaro makkedai Puwangnge, “Puranana nakenna anrasa-rasang, masennangngi matu sibawa massaunna. Iyaro atak-Ku, iya pésennangiyéngngi atik-Ku, purani natanggung pahukkungenna tau maégaé; nasaba aléna Uwaddampengengngi matu mennang.

YESAYA 55:1

Makkedai Puwangnge, “Lao manenno mai iko iya madekkaé, énunno, tassadiyai uwai. Poléno iko iya dé'é nappunnai dowi, tarimani gandongngé temmakkamaja, sibawa manréno! Anggoro sibawa susué tassadiyai, tarimai sibawa cuma-cuma.

YEHEZKIEL 18:23

Mupikkiri'iga Iyya Puwang Iya Pommatanré masennang rékko matéi tau majaé? Dé' sises-siseng! Macinna-Ka kuwammengngi nasalaiwi dosa-dosana kuwammengngi natuwo.

YEHEZKIEL 18:32

Dé' Umassennang rékko séddié tau matéi. Salaini dosa-dosamu kuwammengngi mutette tuwo. Iyya Puwang Iya Pommatanré pura mabbicara.”

YEHEZKIEL 33:11

Powadangngi mennang makkedaé nasaba Iyya, Allataala iya tuwoé, Puwang Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

HABAKUK 2:14

Iyakiya pada-pada tasi'é ripennoiwi sibawa uwai, makkuwatoro linoé ripennoi matu sibawa pangissengeng passalenna Puwangnge sibawa akuwasan-Na.

MATIUS 28:19

Rimakkuwannanaro laono ri sininna bangsaé ri sininna linoé, pancajiwi mennang ana'-ana' guruk-Ku. Cemméi mennang sibawa teppui asenna Ambo'é, sibawa Ana'é, enrengngé Rohna Allataala.

MARKUS 16:15

Nakkeda Yésus lao ri mennang, “Laono risininna linoé namuwappallebbangengngi Karéba Madécéng polé ri Allataala lao ri sininna rupatauwé.

LUKAS 1:77

Untu' mabbirittangngi lao ri umma'-Na sibawa ripassalama'i matu mennang, rékko purani naddampengeng Allataala dosa-dosana mennang.

LUKAS 14:23

Nakkeda Puwannaro, ‘Laono ri watattana-watattanaé sibawa lorong-lorongngé ri saliweng kota, namudessa'i sining tauwé napolé, kuwammengngi napenno bolaku.

LUKAS 24:47

Makkuwatoro ri laleng asenna iyaro Arung Pappassalama'é harusu'i riyabbirittang lao ri sininna bangsaé makkedaé harusu'i toba' rupa tauwé, sibawa Allataala maddampengengngi dosaé. Na iyaro karébaé harusu'i riyabbirittang mappammulai ri Yérusalém.

YOHANES 14:6

Nappébali Yésus, “Iyya'na laleng untu' missengngi Allataala sibawa lolongengngi atuwongngé. Dé' séddi tau mulléi lao ri Ambo'é, rékko dé' naola-Ka.

YOHANES 17:17

Pancajiwi mennang appunnangeng ripallainna Ambo' naolai atongengengngé; ada-adanna Ambo' iyanaritu atongengeng.

YOHANES 6:37

Sininna tauwé iya nabbéréyangngé Ambo'é lao ri Iyya laowi matu ri Iyya. Dé' Umaélo sampéyangngi nigi-nigi lao ri Iyya.

ROMA 11:14

Mamménasaka uwulléi paompoi angémpurunna bangsaku, kuwammengngi nallalengiro uwulléi passalama'i sibagiyang polé ri mennang.

1 TIMOTIUS 4:10

Iyanaro saba'na méwaki sibawa marejjing majjama, saba' mamménasaki sissukku-sukkuna lao ri Allataala iya tuwoé, Aléna ritu Pappasalama'na sininna tauwé, lebbi-lebbipi sining tau iya mateppe'é.

2 TIMOTIUS 2:25

Harusu'i nasibawang lemma kininnawa paggurui sining tauwé iya pojiyéngngi méwa; memmuwaré Allataala mpéréngngi wettu lao risining tauwéro untu' toba' polé ri dosa-dosana mennang sibawa missengngi pappagguruwang iya tongengngé.

2 TIMOTIUS 3:7

Iyaro sining makkunraié matteru-terui méllau ripagguru, iyakiya dé' naengka naulléi missengngi pappagguruwang iya tongengngé iya polé ri Allataala.

TITUS 1:1

Ana'ku Titus! Iyya, Paulus, mokii iyaé sure'é selaku atanna Allataala sibawa rasulna Yésus Kristus. Ripiléka sibawa risuro untu' tulungngi sining tau napilé Allataala kuwammengngi namancaji mawatang ri laleng teppe'na mennang. Harusu tokka pimpingngi mennang kuwammengngi naissengngi pappagguruwang iya tongengngé iya nappagguruwangngé agamata.

TITUS 2:11

Saba' purani nappaitang Allataala pammasé-Na untu' passalama'i sininna rupa tauwé.

IBRANI 10:26

Saba' rékko biritta polé ri Allataala ripalettu'ni ri idi, iyakiya matteruki bawang pogau' dosa sibawa riyattungkai, dé'na gagana akkarobangeng untu' leddai dosata.

YAKOBUS 3:14

Iyakiya rékko mangémpuruko, mapeddi ati sibawa pentingkangngi aléna, aja' muwammingkikengngi iyaro apanréngngé, saba' nallalengiro muputara' balé'i biritta iya tongengngé iya polé ri Allataala.

2 PETRUS 3:9

Dé' namatengnge Puwangngé mabbéréyangngi aga iya puraé najjanciyang, namuni engka masengngi makkuwaro. Sibalé'na, sabbara'i lao ri iko, saba' dé' namaélo muwi séddi tau binasa. Macinnai kuwammengngi sininna tauwé natoba' polé ri dosa-dosana.

2 YOHANES 1:1

Lao ri Indo' iya napilé Allataala sibawa lao ri ana'-ana'na Indo'. Iyaé Sure'é poléi ri iyya, pamimping jema'é iya tonget-tongengngé pojiko. Tenniya banna iyya, iyakiya sininna tau iya missengngéngngi Allataala iya tongengngé, napoji tokko.

WAHYU 14:6

Nainappa uwita séddi malaéka' laing iya luttué matanré ri langié. Iyaro malaéka'é tiwii biritta passalenna Karéba Madécéng iya mannennungengngé untu' ripalettu lao ri tolinoé ri linoé; iyanaritu lao ri tungke'-tungke' bangsa, suku, basa sibawa wanuwa.