1 TIMOTIUS 2:3 - KITTA KAREBA MADECENG

³ Iyanaro makessing sibawa sennangiwi atinna Allataala, Pappassalama'ta.

1 TIMOTIUS 2:3 ပူးပေါင်းရင်းမြစ်များ

YESAYA 45:21

Palluruni parakaramu, pangoloni butti-buttinna, ya, leppessanni mennang barunding massibawa. Niga mabbirittangngi gau'éro sibawa mabbirittangngi sipongenna riyolo? Tenniyaga Iyya, Puwang? Dé'gaga déwata ri laik-Ku. Iyya ritu Allataala iya adélé'é sibawa Pappassalama, dé'gaga laingngé sangadinna Iyya!

LUKAS 1:47

sibawa mariyo-riyoi nyawaku nasaba Allataala Pappassalama'ku.

ROMA 14:18

Tau iya tumaningiyéngngi Kristus secara makkuwaro, iyaro tauwé napésennangiwi atinna Allataala, sibawa riyangke'i risining tau laingngé.

FILIPI 1:11

Tabbollompollongngi matu atuwommu sibawa pangkaukeng iya tonget-tongengngé makessing iya weddingngé bawang napowassélé' aléna Yésus Kristus, naripakalebbi matu Allataala sibawa ripoji-poji.

FILIPI 4:18

Purani utarima maneng – mala lebbi nagenne'é! Sininna pabbéré iya muwakkiringengngé lao ri iyya, purani utarima polé ri Epafroditus. Makkekkuwangngé uwappunnaini sininna iya uwapparelluwangngé. Sining pabbérémuro iyanaritu pada-padai bau mabau polé ri akkarobangeng iya riyakkasuwiyangengngé lao ri Allataala sibawa iya natarimaé Allataala sibawa masennang ati.

KOLOSE 1:10

Nanallalengiwi muwulléi tuwo situru élona Allataala, sibawa tuli pésennangiwi atin-Na, angkanna ri laleng sininna séuwa-séuwaé muwulléi powassélé' gau'-gau' iya makessingngé. Sibawa pangissengemmu passalenna Allataala tattamba towi matu.

1 TESALONIKA 4:1

Paccappurenna saudara-saudara, purani mpérékko conto passalenna pékkugi harusu'ko tuwo untu' pésennangiwi atinna Allataala. Mémeng tuwono pada-padaéro. Iyakiya makkekkuwangngé nasaba akuwasanna Puwang Yésus, riyéllauwi sibawa masero ri iko enrengngé maddessa kuwammengngi nalebbi makkuragasiko ri laleng gau'éro!

1 TIMOTIUS 1:1

Timotius, ana'ku iya tongengngé ri laleng Puwangngé! Iyaé sure'é poléi ri iyya, Paulus, rasulna Kristus Yésus situru paréntana Allataala, Pappassalama'ta sibawa ri laleng paréntana Kristus Yésus, amménasatta. Tennapodo Allataala Ambo'é sibawa Kristus Yésus Puwatta mabbéré barakka, pammasé asaléwangeng lao ri iko.

1 TIMOTIUS 4:10

Iyanaro saba'na méwaki sibawa marejjing majjama, saba' mamménasaki sissukku-sukkuna lao ri Allataala iya tuwoé, Aléna ritu Pappasalama'na sininna tauwé, lebbi-lebbipi sining tau iya mateppe'é.

1 TIMOTIUS 5:4

Iyakiya rékko séddié janda mappunnai ana'-ana' iyaré'ga eppo-eppo, mennang ritu lebbi riyolo harusu riwéréng pappahang makkedaé waji'i mennang jampangiwi kaluwargana, sibawa mpale'i pappédécénna tomatowanna sibawa nénéna mennang. Nasaba gau'énnaro pésennangiwi atinna Allataala.

2 TIMOTIUS 1:9

Napassalama'ki Allataala sibawa naobbiki kuwammengngi namancaji umma' ri Aléna. Napogau'i iyaro tenniya nallalengiwi aga iya puraé ripogau', sangadinna nallalengiwi rancana-Na muto sibawa pammasé-Na. Nawérékki pammasé-Na naolai Kristus Yésus riwettu dé'napa naripancaji linoéwé.

IBRANI 13:16

Aja' muwallupaiwi pogau'i makessingngé sibawa sisullé situlung, saba' iyanaé sining akkarobangeng iya pésennangiyéngngi atinna Allataala.

1 PETRUS 2:20

Saba' aga alebbimmu rékko sabbara'i manrasa-rasa pahukkungeng iya harusu'é mutanggung nasaba pasalako? Iyakiya rékko sabbara'ko tarimai anrasa-rasang iya kennaékko nasaba pogau'ko iya tongengngé, Allataala barakkakiko matu.

1 PETRUS 2:5

Iko pada-padako batu-batu iya tuwoé. Rimakkuwannanaro sitinajako maélo ripaké untu' patettongngi Bolana Allataala iya rohanié. Nanallalengiro mancajiko imang-ngimang iya tuwoé banna untu' Allataala, sibawa iya naolaéngngi Yésus Kristus makkasuwiyangengngi lao ri Allataala, akkarobangeng rohani iya naéloriyé atinna Allataala.