1 TIMOTIUS 2:2 - KITTA KAREBA MADECENG

² untu' sining arungngé sibawa untu' sininna tauwé iya makkatenningngé akuwasang. Ellauwi kuwammengngi weddikki tuwo sibawa tennang enrengngé amang untu' Allataala sibawa kédo-kédo iya sipato'é.

1 TIMOTIUS 2:2 ပူးပေါင်းရင်းမြစ်များ

EZRA 6:10

Pogau' manengngi iyaro kuwammengngi naulléi mennang makkasuwiyangeng akkarobangeng iya pésennangiyéngngi Allataala makuwasaé ri surugaé, sibawa kuwammengngi naéllaungekka barakka sibawa sining ana' worowanéku.

YEREMIA 29:7

Ajjamano untu' asaléwangenna kota-kota onrommu Upali. Assempajanno lao ri Iyya untu' apentingenna kota-kotaéro, saba' rékko madécéngngi iyaro kota-kotaé, madécéng tokko matu.

AMSAL 24:21

Ana'ku, étauko ri Puwangnge, sibawa pakarajai arungngé. Aja' mukacowé-cowé sibawa tau iya méwaéngngi mennang.

1 TESALONIKA 4:11

Akkuragako tuwo sibawa tennang sibawa aja' mucampuru'i persoalanna tau laingngé. Sitinajako majjama sappai dallé', pada-pada riyolo pura riparéntangngékko riyolo.

NEHEMIA 1:11

Engkalingai sempajakku sibawa sempajanna sininna atam-Mu iya laingngé, iya maéloé pakalebbi-Ko. Abbéréyanni pattulum-Mu kuwammengngi na ri essoéwé iyaé atam-Mu naulléi lolongeng paressé babuwa polé ri arungngé.” Iyaro wettué pangurusu énungennaka arungngé.

IBRANI 12:14

Akkuragano untu' tuwo sipammasé-masé sibawa sininna tauwé. Akkuragatokko untu' tuwo mapaccing, banna untu' Puwangngé. Saba' dé' muwi séddi tau mulléi mitai Puwangngé rékko dé' natuwo pada-padaéro.

ROMA 12:18

Polé ri iko, akkuragano siullé-ullému untu' tuwo sidamé sibawa sininna tauwé.

MAZMUR 72:1

Polé ri Salomo. Oh Allataala, appagguruwangngi hukkum-Mu lao ri arungngé, wéréngngi adélékem-Mu lao ri ana' worowanéna arungngé.

FILIPI 4:8

Paccappurenna, Saudara-saudara lisekiwi pikkirammu sibawa gau'-gau' iya engkaé angke'na, iya sitinajaé ripoji, iyanaritu gau'-gau' iya tongengngé, iya malebbié, iya adélé'é, mapaccingngé, macenningngé, sibawa makessingngé.

RIWAYA'NA RASUL-RASUL-E 24:16

Iyanaro saba'na nauwakkuraga senna', kuwammengngi namapaccing atikku lao ri Allataala sibawa mapaccing lao ri rupa tauwé.

RIWAYA'NA RASUL-RASUL-E 10:22

Nappébali mennang, “Kapiténg Kornélius suroki lao mai. Séddiwi tau makessing sibawa métau ri Allataala, enrengngé ripakalebbi senna' ri sininna tau Yahudié. Engka séddi malaéka'na Allataala suroi méllauki Puwang lao ri bolana nasaba, selaku pappébalinna sempajanna, risuroi méngkalingai aga tapowada matu Puwang ri aléna.”

LUKAS 2:25

Iyaro wettué ri Yérusalém engka séddi tau riyaseng Siméon. Tau makessingngi, métaui ri Allataala sibawa natajengngi wettunna Allataala passalama'i Israélié. Risibawangngi ri Rohna Allataala,

LUKAS 1:6

Atuwonna mallaibinéro napésennangiwi atinna Allataala. Iya duwa naturusiwi sininna paréntaé sibawa Hukkunna Puwangngé sibawa tonget-tongeng.

2 SAMUEL 20:19

Iyaé kotata Abél battowa, sala séddinna kota iya kaminang tennangngé sibawa matinulué ri tana Israélié. Magi Puwang namakkuraga mancuru'i? Macinnaiga Puwang solangiwi tana appunnangenna Puwangnge?”